- 365
mabilang nga pasable kundi pasada na; ang iya madabong anay
nga buhok nahimb na lang nga utbong sang pinungsan, ang kadakb subong sang ahos; mga kunotkunot nagdalan sa iya nawong
kag nag-amat na hulonga ang iya mga ngipon; ang mga mata nag
balatas man, kag natam-an kaayo: kinahanglan nga patiyugtiyugon
niya sing masunson agud makakita sia sa malayo; ang iya pamatasan amo na lamang ang nabilin.
Sang pagligad sang tunga sa takna nga pagsugilanonay, naghangpanay sila kag nagbatunay. Kuntani palabihon niya ang isa ka katsila nga indi piang, indi kalbo, indi ungab, nga wala paglaway kon maghambal, nga labi nga may kusog kag may ikasarang, nga amo ang masami niya ihambal; apang ini nga sari sang mga katsila wala gid makakadto sa iya sa pagpangayo sang iya kamot. Nabatian niya nga ginhambal kapin sa makaisa nga “ang bahigayunan naduagan nga kalbo”(14) kag nagpati sia sing dungganon nga si Don Tiburcio am6 man ang kahigayunan, kay salamat sa iya mangitngit nga mga kagab-ihon nag-antos sia sang wala sa panahon nga pagkakalbo. Sin-o ang babae nga indi maghalong sa ika-katloan kag duha ka tuig?
Si D. Tiburcio, sa iya bahin, nagbatyag sing di-patod nga kamingaw sa pagpanumdom sang iya dugos-bulan. Nagayuhom sia sa iya kapalaran kag ginpangayb niya ang tabang sang bahoy sang kagulutmon. Wala gid sia sing ginhandum, bisan ano nga gintinguha; ang iya naluyagan, mga butang nga kinaandan, ang iya mga panghunahona nalatiran; apang ang iya tagipusuon nga putli tubtob sadto, nakadamgo sang isa nga lain kaayo nga may pagkalangitnon. — Sadto sang lanubo pa sia, kon malapyb sia sa pagpangabudlay, pagkatapos sang isa ka diutay nga panihapon, mahigda sia sa isa ka guba nga katre sa pagpatunaw sang iya kubos nga kinaon, matulog sia nga nagpanumdom sang isa ka larawan nga nagyuhom kag nagdalb. Sang ulihe sang ang iya mga kalisod kag mga kagulutmon nagdugang, nagligad ang mga tinuig kag ang mamalaybayon nga larawan wala mag-abot, naghandum na lamang sia sang isa ka maayo nga babae, matinatapon, mapisan, nga sarang makahatag sa iya sing diutay nga bugay, makalipay sa iya sa pagkuha sang iya kalapyb sa pagpangabudlay kag mag-akig sa iya sa
(14) Ang kahigayunan naduagan nga kalbo — Isa ka hurubaton nga nagapanugyan sang pagdikalas sa paghimulos sang mga maayo nga kahigayunan.
