370
indi sia pagpalagawon, kag kon maakig sia sing tuodtuod, kuhaon
niya ang iya postiso kag paantuson sing isa ukon kapin pa nga mga
adlaw.
Nakahunahona sia nga ang iya bana kinahanglan nga mangindoktor sa medisina kag sa pagpamusbos kag amo ini ang iya ginpabalahuba.
— Iha! — Luyag ka nga dakpon nila ako? — Pamangkot niya nga hinadlukan.
—Indi ka magbinuang, pabay-i nga ako ang maghusay sina! —Sabat niya. — Indi ka magpamulong bisan kay sin-o, apang luyag ko nga tawgon ka nila nga doktor kag ako doktora, ina!
Kag sang madason nga adlaw si Rodoreda(21) nakabaton sing hilikuton sa paggutib sa isa ka losa nga marmol nga maitum; DR. DE ESPADANA, ESPECIALISTA EN TODA CLASE DE ENFERMEDADES22
Ang tanan nga suloguon dapat maghatag sa ila sing bag-o nga mga titulo, kag tungod sini nagdugang ang kadamuon sang mga hasOhasb, ang kap-al sa uyakop nga bugas, ang mga sintas kag mga engkahe, kag nagtulok sia nga labi nga may paghikay sa iya imol kag indi mapalaron nga mga kasimanwa nga babae, nga ang ila mga bana kubos sing nahamtangan sangsa iya bana. Sa tagsa ka adlaw nagbatyag sia nga nagdugang ang ila kadungganan kag nagsaka sila, kag sa pagpadayon sini nga padihot, sang maisahan ka tuig nagpati sila nga naghalin na sila sa langit.
Wala’y sapayan ini nga mataas nga mga panghunahona wala makapugong nga sa tagsa ka adlaw labi nga nagtigulang sia kag nagdugang ang iya pagkamakahalam-ot. Sa tagsa ka tion nga masugata sia ni Kapitan Tiago kag madumdoman niya ang wala mabaton nga paghigugma nga gintanyag niya sa iya, nagpadala sia dayon sing pesos sa simbahan sa paghiwat sing isa ka misa sa pagpasalamat. Wala’y sapayan sini, si Kapitan Tiago nagtahod sing daku sa bana tungod sa iya titulo sa pagka-espesyalista sa tanan nga sari sang masakit. kag namati sia sing maayo sa pila ka taga nga sa pagpalangurog sang iya mga bibig natigayon niya sa pagmitlang. Tungod sini kag sanglit ini nga doktor wala pag
(21) Rodoreda — Ang mga pamandayan sa marmol ni Rodoreda yara pa gihapon sa dalan Carriedo, Santa Cruz, Manila. Sia ang marmolista nga may labing madamo nga suki sang amo nga panahon.
(22) Dr. De Espadana, espedalista en toda clase de enfermedades— Dr. De Espadana, batid sa tanan nga sari sang balatian.
