- 323
amon primo didto sa Madrid abyan sang mga ministro kag mga
duke kag nagkaon sa balay sang konde sang Kampanaryo.
—Sang duke sang Tore, Victorina, — badlong sa iya sang iya bana.
—Amo man ina, kon ihambal mo sa akon . . . ?
—Sarang ko mapakigkitaan si P. Damaso sa inyo banwa?— Bungkag ni Linares nga inatubang niya si P. Salvi. — Ginsugiran nila akd nga malapit sia diri...
—Sa pagkamatuod yari sia kag magakari dugaydogay, —- sabat sang kura.
—Nalipay gid ako! May isa ako ka sulat nga ihatag sa iya, — hambal nga may kakunyag sang pamatan-on. — Kon indi tungod sining’ malipayon nga hitabu nga nagdala diri sa akon. kuntani nagkari ako sing hungod sa pagduaw sa iya.
Ang malipayon nga hitabu sa karon ginpabugtaw.
—De Espadaña, — siling ni Donya Victorina sang matapos ang pamahaw, — makigkita kita kay Clarita? — Kag kay Kapitan Tiago: Sa imo lamang ini Kapitan Tiago, sa imo lamang! Ang akon bana wala pagpamulong Iwas sa mga tawo nga dalagkb, kag bisan pa, bisan pa! Ang akon bana indi katulad sang iban nga yari diri... didto sa Madrid wala sia pagduaw Iwas sa mga kadalagkoan lamang.
Nagsululod sila sa hulot sang masakiton.
Ang hulot madulomdulom, ang mga bintana napantakpan sa kahadlok nga masudlan sang hangin, kag ang diutay nga kasanag nga nagsuga sa hulot naghalin sa duha ka kandila nga nagdabdab sa atubangan sang isa ka larawan sang Birhen sang Antipolo.(23)
Nabugkosan ang iya ulo sang isa ka panyu nga malapad nga nahumog sang tubig nga Colonia, ang iya lawas naputos sing mahalungon sang maputi nga mga habol nga may madamb nga mga pligis, nga nagtipig sang iya putli nga mga dagway, naghigda ang pamatan-on nga dalaga sa iya katre nga kamagdng nga may mga
(23) Birhen sang Antipolo — Ining’ bantog nga santos nga babae nahauna nga gindala diri gikan sa Acapulco, Mexico ni Juan Nino de Tabora, sang pagkari niya nga sia ang nagdumala sang Filipinas sang 1626. Tungod sang iya mga gahum sa milagro nga mapauntat niya ang bagyo gindala sia pabalikbalik sa mga galyon uk6n mga barko sang pangulohan sa ila mga pagbyahte, tubtob nga sang 1672 ginbutang na gid sia sing unay sa isa ka simibahan sa aminhan-nakatundan sang Manila, sa idalum sang pagtatap sang mga Pari nga Agustinos. Samtang nga ginapatindog ang halaran nga pagabutangan sa iya ginsugid nga nagpakita sia sa iya mga tumoluo sa isa ka daku nga puno sang langka nga ginatawag sang mga tagalog nga “antipolo” diin karon nagikan ang iya ngalan: “Birhen sang Antipolo.”
