— Kag diin ikaw nga wala ka gid magpadala sing tclegrama? — Pamangkot ni Donya Victorina. — Sang kaslon' kami nagpadala kami sing telegrama sa Peninsula.6
— Senyora, sa sining’ duha ka hingapusan nga tuig didto ako sa Aminhan sang Europa: sa Alemania kag sa Poloniang’ Rusianhon.
Si Doktor De Espadana, nga tubtob karon wala pa makapangahas sa paghambal, bumatyag nga bagay man sia magtulutogda.
— Na . . . nakakilala ako sa Espana sang isa ka polako gikan sa Va . . . Varsovia, nga ginhingalanan kay Stadtnitzki, kon wala ako malipat; nakit-an mo bala sia? — Pamangkot niya nga may pangalag-ag kag may diutay nga kahuya.
— Mahimo nga nakit-an ko sia. — Sabat ni Ibarra nga may kahamuot, — apang sa karon inch na ako makadumdom.
— Indi ka gayod mag-magsayop sa iya sa iban! — Dugang sang Doktor nga bumalik na sa iya ang iya kaisipan. — Pula sia subong sang bulawan kag tuman kalain maghambal sang kinatsila.
- Maayo ina nga mga talandaan, apang didto wala gid ako makahambal sing bisan isa ka taga nga kinatsila Iwas lamang sa pila ka konsulado.
— Kag. paano ang imo paggawi? — Pangkot ni Donya Vic torina nga may pagdayaw.
— Gingamit ko ang hambal sang tagsa ka pungsod, senyora.
— Nagahambal man ikaw sang iningles? — Pamangkot sang dominiko nga nakapuyo sa Hong-kong kag maayo maghambal sang Pidgin7 nga iningles, ang ginkinamatis nga hambal ni Shake speare sang mga inanak sang Imperyong’ Insik.
— Nakapuyo ako sing isa ka tuig sa Inglaterra sa tunga sang katawohan nga naghambal lamang sang iningles.
— Kag ano ang pungsod nga labi nimo naluyagan sa Europa? — Pamangkot sang pula nga pamatan-on.
— Madason sa Espana, ang akon ikaduha nga pungsod. ang maskin diin lang sa mga pungsod sa Europa nga hilway.
(6) Peninsula — Ang wala makatuon nga mga pilipinhon masunson nga ginaislan nila sing n ang n.
(7) Pidgin nga Iningles — Amo ini ang iningles nga ginahambal sang mga insik sa Hongkang, nga nahimo nga kinamatis nga bug-os naglain sa tunay nga hambal, apang amo lamang ang mahangpan sang mga insik labi na gid sang mga kubos.
