- 381
bleta, nga kinuha niya sa isa ka diutay nga tubo nga kristal. —
Nagsiling sia nga, kon mabatyagan mo gani ang pagpalamungol,
untatan sa mahinay nga tingog.
—Wala na sia magsulat sa imo liwat? — Pamangkot sang masakiton sa mahinay nga tingog.
— Wala, ayhan masako gid sia?
—Wala sia sing ginsugb nga ihambal sa akon?
Wala sia sing liwan nga ginhambal kundi tinguhaon niya nga hilwayon sia sang Arsobispo sa pagsikway sa iya sang simbahan agud nga....
Ang pagsugilanonay gin-utod tungod nga nag-abot ang tiya.
—Ang Pari nagsiling nga maghimos ka kay pakompesahon ka niya, anak, — siling sini, — bayai sia agud makakompesar sia. —Apang wala pa gani masemanahi nga nakakompesaar sia— pamatok ni Sinang, — Wala ako pagmasakit kag wala ako paghimo sing sala sa masunson!
— Aba! Wala mo masayri kon ano ang ginahambal sang kura: nga ang matarong nagasala sing makapito sa tagsa ka adlaw? Luyag ka nga dal-an ko ikaw sing Angkla, sing Martilyo ukon sing Matadlong nga Dalan agud ikaw maapalangit?(2)
Wala magsabat si Maria Clara.
—Indi ikaw mabudlayan, — sugpon sang but-anan nga tiya sa paglipay sa iya. — Ak6 man ang mabasa sa imo sang panusi sa ipalatugsiling kag ikaw wala na sing mahimb kundi ang magpanumdom sang imo mga sala.
—Sulati sia nga indi na sia magpanumdom sa akon! —hutik ni Maria Clara sa dulonggan ni Sinang sang ini magpaalam sa iya.
—Nano?
Apang ang tiya sumulod kag si Sinang naggwa nga wala niya mahangpi ang ginhambal sa iya sang iya abyan.
Pinalapit sang tiya ang isa ka siya sa suga, binutang ang iya antyohos sa utbong sang iya ilong kag binuksan niya ang isa ka diutay nga tulon-an, nagsiling sia:
—Magpamati ka sing maayo, anak ko; masugod ako sa Mga Sugb sang Pagbulot-an sang Diwa; lagnayon ko lang agud makapanumdom ka; kon indi nimo ako mabatian sing maayo, isiling mo sa akon agud masulit ko; nakasayod na ikaw nga sa imo kaayuhan indi gid ako magpahuway.
(2) Angkla. . . Martilyo. . . Matadlong nga dalan. . . —Mga tig-ulo sang tatlo ka libro sa pagtuo.
