384
Kag sinindihan niya ang isa ka daku nga kandila sa Birhen sang Antipolo kag duha pa ka magagmay sa Ntra. Sra. del Rosario kag sa Ntra. Sra. del Pilar,(4) nga ginhalungan niya ang pagpain kag pagbutang sa isa ka higad sang isa ka krusipiho nga marpil sa pagpakilala sa iya nga tungod sa iya wala pagsindihi ang mga kandila. Ang Birhen sang Delaroche wala man sing kahilabtanan: isa sia ka dumoluong nga wala makilal-i, kag si tiya Isabel wala makabati tubtob karon sang maskin isa niya ka milagro.
Wala naton mahibal-i kon ano ang nahanabb sa pagkompesar sadto nga gab-i; ginatahod naton ina nga mga likum. Ang pag kompesar malawig, kag ang tiya nga sa antad nagbantay sang iya hinablos, sarang makamutik nga ang kura, sa baylo nga maglingig sang iya dulonggan sa pagpamati sang mga tinaga sang masakiton, ginpaatubang niya ang iya guya sa dalaga, kag wala sing tuyb kundi ang magbasa gid lamang sa matahum nga mga mata sang dalaga sang iya mga panghunahona kag magpanumdom nahanungod sina.
Maluspi kag ang mga bibig nagkipot, humalm si P. Salvi sa iya hulot. Sa pagkakita sang iya agtang nga masagil-um kag puno sing balhas, sarang masiling nga sia ang nagkompesar kag indi bagay nga pagpatawaron.
—Jesus, Maria kag Jose! — Siling sang tiya nga nanguros sa pagsubol sang isa ka malain nga panghunahona. Sin-o ang nakahangop sang mga pamatan-on nga babae karon?
(4) Ntra. Sra. del Pilar — Ang bantog nga Birhen sang Zaragoza, Espana kag patrona sang Sta. Cruz, Manila. Ang STimbahan sang Sta. Cruz diin nahamtang ang amo nga santos, isa ka matahum nga simbahan sa tagipusuon sang pudk nga amo man ang ngalan. Ang iya mataas kag nadanyag nga tore nagatindog sa amo man nga du6g diin ginliwat ang pag-uli sang plasa sang Sta. Cruz, sang mga mananalakay, sa kay Dn. Simon de Anda y Salazar, sang 1871. Isa ka plantsa nga marmol nga natapik sa tuo nayon sang ganhaan sang Sim bahan nga nagaatubang sa Escolta may sulat nga nagasugid sang amo nga hitabo.
