- 387
Liniso sang tigulang sing inanay ang iya ulo kag nakita niya ang maligdong nga dagway ni Elias, nga nagtulok sa iya nga wala sing kalu, nga puno sing kasubo kag katuyoan.
—Ikaw gali? — Pamangkot sang tigulang nga ang iya panulok, sang makilala niya ang pamatan-on, nagsadya sing diutay.
—Nano nga kahimtangan nga nakita kita! — Kibot ni Elias sa mahinay nga tingog kag hinulag ang iya ulo.
Dumuko ang tigulang sing hipos, hinagyoan niya ang mga tawo, nga ini sila nagtilindog kag naghalalin, nga tinulok nila anay ang timonil sa pagbanabana sang iya kataas kag sang iya mga kusog.
—Huo! -— Siling sang tigulang kay Elias sang ulihe sang duha na lang sila. — Sang mga anum ka bulan nga nagligad, sang mapadayon ko ikaw sa akon balay, ak6 yadto’ng bumatyag sing kaluoy sa imo; karon ang kapalaran nagliwat, kag ikaw karon ang naluoy sa akon. Apang pungkb ka, kag sugiri ako kon ngaa nga nakadangat ka tubtob diri.
—Mga napulo kag lima na ka adlaw ang nagligad nga nakasugid sila sa akon sang imo malaot nga palad, — sabat sang pamatan-on sing mahinay, nga nagtulok sa suga. — Naglakat ako gilayon kag ginpangita ko ikaw halin sa isa ka bukid pakadto sa isa man ka bukid; nalibot ko halos ang duha ka puod.
—Agud indi mapatulo ang dugo sang wala’y sala, kinahanglan nga malagyo ako; ang akon mga kaaway nahadlok magpakita kag ang pinaatubang nila sa akon amo ang pila ka wala’y palad, nga wala makahimb sa akon sing bisan diutay nga kalainan.
Pagligad sang malip-ot nga kalinong, nga ginhimuslan ni Elias sa pagbasa sang mga panghunahona sa maligdong nga nawong sang tigulang, nagsabat sia:
—Nagkari ako sa paghingyb sa imo sang isa ka butang. Sang wala ko makita ang bahin sang panimalay nga naghatag sing ma laot nga palad sa akon man panimalay, namat-od ako sa paghalin sa puod diin ako nagpuyb sa pagsaylo sa Aminhan kag sa pagpangabuhi sa tunga sang mga guban nga dimatinuohon kag hilway: maluyag ka magbiya sang pangabuhi nga imo ginsugdan kag magupod sa akon? Ako ang imo mangin-anak sanglit nawala na tanan ang sa imo, kag ako nga wala sing panimalay, sa imo may isa ak6 ka amay.
Lumungblungb ang tigulang, kag nagsiling:
