- 391
mga wala sing palad. Nahibal-an ko ina tanan kay sadto manggaranon man ako!
—Apang ang tawo nga ginasugid ko sa imo indi katulad sang iban; isa sia ka anak nga ginpasipalahan sa handumanan sang iya amay; isa sia ka pamatan-on nga, tungod kay sa madali magaangkon sia sing panimalay, nagapanumdom sang kaulihian, sa isa ka maayo nga bwas-damlag sang iya mga anak.
—Hanti isa sia ka tawo nga magamalipayon; ang aton ginapakigsumpong indi ila sang mga tawo nga malipayon.
—Apang ila sang mga tawo nga may tagipusuon!
—Ayhan! — Sabat sang tigulang nga pumungko. — Bilangon ta nga nagpasugot kita nga dal-on ang aton tingog tubtob sa Kapitan Heneral, bilangon ta nga sa Korte may makita kita nga mga diputado nga magaapin sa aton, nagapati ka nga hatagan kita sing hustisya?
—Tilawan naton ina anay sa wala pa kita makasugod sa pagpatulb sing dugo, — sabat ni Elias. — Matingala ka nga ako, isa man nga wala’y palad, pamatan-on kag mabakod, nagahingyb sa imo, nga tigulang kag maluya, sang mga padihot nga mahidaiton; apang ang matuod nga nakakita ako sing madamb nga mga pagbatas, nga ginpatuga naton labi sangsa mga malinupigon: ang wa la sing hinangiban nga banwa amo ang nagabayad.
—Kag kon wala kita sing matigayon?
—May matigayon gid kita, patiha ako; indi kay ang tanan nga nagagahum indi matarong. Kag kon wala kita sing matiga yon, kon indi pagpamatian ang aton mga tingog, kon ang tawo mahimb na nga bungol sa kasakit sang ila kasubong, hanti ibutang ko ang akon kaugalingon sa idalum sang imo mga mandu!
Ang tigulang, nga puno sing kakunyag, humakos sa pamatan on.
—Ginabaton ko ang imo hingyu Elias; nahibal-an ko nga ginatuman mo ang imo hinambalan. Magkari ka sa akon kag buligan ko ikaw sa pagtimalos sa imo mga nagliligad, buligan mo ako sa pagtimalos nahanungod sa akon mga anak, ang akon mga anak nga katulad man sa imo!
—Sa karon likawan mo, ginuo, ang tanan nga paagi sa kusog.
—Ipahayag mo ang mga panumbunganon sang banwa, na hibal-an mo na man. San-o ko mahibal-an ang sabat?
—Sa suldd sang apat ka adlaw padal-i ako sing isa ka tawo sa baybayon sang San Diego, kag igahatag ko sa imo ang sabat
