SI IBARRA wala’y pat-od nga kabubut-on. Ang hangin sang kagab-ihon nga sadto nga mga bulan masami nga tama kalab-as sa Manila, daw nagpanas sa iya agtang sang manipis nga gal-um nga dira naglandong: Hinukas niya ang iya kalu kag magginhawa.
Naglalabay ang mga kotse katulad sang mga kilat, ang hilin;akayan nga mga kalesa naglalakat nga mahinay, ang mga dumalay-o sa nagkalainlain nga kabikahan. Sa panglakat nga daw pasapayan. nga nagpakilala nga sia nagpanglingawlingaw ukon wala’y dulomdumon, ang pamatan-on dumayan pakadto sa plasa sang Binondo, nga nagpanan-awtan-aw sa tanan nga bahin nga daw may buot sia kilalahon. Amo man gihapon yadto nga mga dalan nga may amo man nga mga balay nga naduagan sing mga put! kag mga asul kag mga padir nga pinaputi, uk6n bag-o lang pinintahan nga indi maayo ang pag-ilog sang granito; ang tore sang simbahan nagpakita gihapon sang taknaan nga masinag ang tabon; amo man nga mga tindahan sang mga insik nga may mahigkb nga mga kortina kag may mga magagming nga tuhog nga salsalon, nga ang isa sini iya pinahilok sang isa ka gab-i, nga inilog niya ang ginhimb sang mga hurong sa Manila: wala sing isa sina nga nagtadlong.
— Mahinay ang imo lakat!—Kumod niya kag pumadayon sia sa dalan Sacristia.2
Ang mga manogbaligya sang sorbete dalayon nga nagsininggit: — Sorbeteee! — Samtang ang mga huepe nagsuga man gihapon sa mga duog sang mga insik kag sang kababaen-an, nga nagbaligya sing mga kalan-unon kag mga bungangkahoy.
— Makatilingala! —Nakatuaw sia. — Amo man nga insik sang pito ka tuig nga nagligad. kag tigulang . . . am6 man giha-
(1) Ang Erehes kag Pilibustero — Ang wala pagtuo kag mabinatukon sa pangulohan.
(2) Dalan Sacristia — Amo ini ang pagtawag tungod nga nagasugod sa atubangan sang mga bintanfi sang sakristiya sang Simbahan sa Binondo. Ka ron ginatawag nga Ongpin.
