pon! Sarang masiling nga karon nga gab-i nakadamgo ako sing
pito ka tuig sa Europa! . . . kag! Santo Dios! Padayon nga wala
pa gihapon makaayo ang bat6 subong sang akon paghalin!
Sa pagkamatuod, pinabayaan pa gihapon ang bato sa ginsang-an sang mga dalan S. Jacinto3</sup> kag Sacristia.
Samtang nga nagpanganinaw sia sini nga kalatingalahan sa pagkabakod sang mga butang sa pungsod nga wala man sing kabakod, may isa ka kamot nga tumungtong sing mahinay sa iya abaga; binatak niya ang iya nawong kag nakita niya ang isa ka tigulang nga tenyente nga nagtulok sa iya nga nagkadlaw: ang militar wala na sing katig-a sa iya pangnawong kag sadto’ng mga kilay nga nagpakilala sang iya panagimuot.
— Pamatan-on mag-andam ka! Magpamalandong ka sa imo amay! — Siling niya sa iya.
— Pasayluha ako, apang sa akon paghangop ikaw nakakilala sing maayo sa akon amay . . . Sarang nimo ak6 masugiran kon ano ang iya kapalaran? — Pamangkot ni Ibarra nga gintulok sia.
— Ngaa wala mo ina masayri? — Pamangkot sang militar.
— Ginpangkot ko nahanungod sina si D. Santiago, apang wala sia magtug-an sa pagsugid kundi bwas kuno nalang. Nakasayod ka bala?
— Nakasayod gid lang, subong man sang tanan! Napatay sia sa sulod sang bilanggoan!
Ang pamatan-on umisol isa ka tikang kag tumod nga tinulok niya ang tenyente.
— Sa sulod sang bilanggoan? Sin-o ang napatay sa sulod sang bilanggoan? — Pamangkot niya.
— Nga tawo ini, ang amay mo, nga ginbilanggb! — Sabat sang militar nga daw natingala.
— Ang amay ko . . . sa sulod sang bilanggoan . . . nga nabilanggb? Ano ang siling mo? Nakahibalo ka kon sin-o ang akon amay? Ikaw bala . . . ? — Pamangkot sang pamatan-on nga binutkon niya ang militar.
— Ayhan wala ak6 magsayop, sia si D. Rafael Ibarra.
— Huo, si D. Rafael Ibarra! — Sulit sang pamatan-on nga nagpalang-uy-oy.
— Nagsalig ako nga ikaw nakasayod sina! — Mahinay nga hinambal sang militar nga puno sing kaawa sang mabasa niya
(3) Dalan San Jacinto — Karon dalan T. Pinpin.
