- 431
mahibal-i kon ano ang pagsapo sina sang akon hirnata, ang nahanabd nga pinasaksi sa atubangan sang hustisya ini nga tigulang
kag ginpahambal sia sang kamatiioran; ang tigulang nga suloguon amo ang amon amay, nga naghanot sang iya pinalangga nga
mga anak kag ginsakit ko man sing makapila. Ang amon kalipay
nawala, binayaan ko ang amon manggad, ang akon utod nga
babae binayaan sang iya kahagugma, kag upod sa amon amay
tinalikdan namon ang banwa sa pagkadto sa bisan diin nga iban
nga duog. Ang panghunahon^ nga sia nakaamot sa amon malaot
nga kapalaran nagpalip-ot sang mga inadlaw sang tigulang, nga
gikan sa iya mga bibig nasayran ko ang tanan nga mapait nga
nagliligad. Ako kag ang akon utod nga babae nabilin nga duha
na lamang kami.
Ang akon utod naghibi sing tuman, apang sa tunga sang madamb nga kalisdanan nga sa amon nga duha nagdugang, indi nakon malimtan ang iya paghigugma sa akon. Wala magpanumbunganon, wala maghambal sing bisan isa ka taga, nakita niya ang iya anay kahagugma nga nagpakasal sa liwan nga babae, kag nakita ko sia nga sa amat-amat nagmasakit nga indi ko sia takos mahatagan sing kalipay. Isa ka adlaw nadula sia; pinangita ko sia sa tanan nga bahin kag wala gid nakon makitli, wala man sing nakasugid sa akon sang akon pagpamangkutanon nahanungod sa iya, tubtob nga sang anum ka bulan sang ulihe nasayran ko nga sadto nga panahon, sang tapos makaligad ang baha sang linaw, may nakita sa baybayon sang Kalamba sa tunga sang pila ka talamnan sang humay nga isa ka bangkay sang isa ka pamatan-on nga babae, nga nalumos ukon ginpatay; sunb sa sugid, may isa ka kutsilyo nga nagsalop sa iya dughan. Ang mga punban sang amon banwa nagpabantala sang hitabo sa kaingod nga mga banwa; wala sing nagpalapit sa pagkuha sang bangkay, nga wala kuno sing isa ka pamatan-on nga babae nga nadula. Sa mga hilisayran nga sinugid nila sa akon sang ulihe, sa iya panapot, sa mga hiyas, sa kaanyag sang iya nawong kag sa iya madabong nga buhok, nakilala ko nga sia amo ang akon kailo nga utod. Kutob sadto naglagaw ako sa puod kag puod; ang akon kabantugan kag ang akon maragtas naglatunlaton sa mga baba sang madamb. ginpabangdan nila ako sang mga nagkahanabb, kon kis-a ginbutangbotangan ako, apang ginsapak ko lamang sing diutay ang mga tawo kay pinadayon ko ang akon paglakat. Kag amo ini sa
