- 437
hibalo man sia maghusay sang iya kakulangan nga indi sia sarang maaligutgotan. Kon indi lamang tungod kay P. Damaso...
Kag ang kura pumasiplat kay Maria Clara, nga nagpamati apang wala niya pag-ibulag ang iya mga mata sa papel sang musika, wala’y sapayan sang tagii nga mga pangusi ni Sinang, nga sa amo nga paagi iya ginpahayag ang iya kalipay; kon isahanon lamang sia nakasaot sia.
—Si P. Damaso... ? — Pamangkot ni Linares.
—Huo, Si P. Damaso nakahambal, — padayon sang kura nga wala niya pagkuhaa ang iya panulok kay Maria Clara,— nga tungdd... paninoy sia sa bunyag, indi sia makapahanugot... apang sa katapusan, nagatuo ako nga kon si Gg. Ibarra mangayb sa iya sing patawad, nga wala ko ginapangduhadohai, ang tanan mahusay.
Tumindog si Maria Clara, naghatag sing isa ka pamalibad kag sumulod sa iya hulot nga gin-updan ni Victoria.
—Kag kon indi sia pagpatawaron ni P. Damaso? — Pamang kot ni Kapitan Tiago sing mahinay.
—Hand... si Maria Clara ang mahibalo.. .si P. Damaso amay niya sa kalag; apang nagatuo ako nga magahangpanay sila.
Sa amo nga tion nabatian ang mga tikang kag pumakita si Ibarra, nga ginsunod ni tiya Isabel: ang iya pagpakita tumoga sing nagkalainlain nga mga balatyagon. Naghatag sia sing mahamuot nga katahuran kay Kapitan Tiago, nga indi makahibalo kon mayuhom ukon mahibi, sa kay Linares nga dinuko niya sing madalum ang iya ulo. Si Fr. Salvi tumindog kag tinan-ay niya sing mahamuot ang iya kamot nga si Ibarra wala makapugong sang isa ka panulok nga may katingala.
—Indi ka sina matingala, — siling ni Fr. Salvi. — Karon nga daan ginadayaw niya ikaw.
Nagpasalamat si Ibarra sa iya kag pumalapit kay Sinang.
—Diin ka nagkadto sa bilog nga adlaw? — Pamangkot sini sa iya lahog nga binata. — Nagpinamangkot kami kag naghinambal: Diin bala nagkadto ina nga kalag nga ginbawl sa purgatoryo? Kag ang tagsa sa amon naghambal sing isa ka butang.
—Kag sarang ko masayran kon ano ang inyo ginahambal?
—Indi, ina isa ka likum, apang isugid ko sa imo kon kitahanon lamang. Karon sugiri kami kon diin ka magkadto agud mahibal-an kon sin-o ang nakapakot.
