AGA PA NAGLAPTA sa banwa ang balita nga sang gab-i
nga nagligad nakita ang madamo nga suga sa sulod sang patyo.
Ang pangulo sang V. O. T. nagsugid sang mga kandila nga nasindihan kag iya ginasaysay ang ila mga banhay kag mga kadalagko apang indi niya masugid sing pat-od ang kadamuon, apang naisipan niya ang kapin sa duha ka pulo. Si utod Sipa, sang Kopradya sang Santisimo Rosaryo, indi makapaumod nga ang magpabugal lamang nga nakakita sini nga bugay sang Diwa ang isa ka kasumpong nga Talapuanan sang Paghiliutod: Si utod Sipa, bisan nga wala nagapuyo malapit sa patyo, nakabati sang mga panaghoy, kag nagtuo nga nakilala niya sa tingog ang pila ka tawo, nga kaupod niya anay sang iban nga panahon.. . apang sa kaluoy nga kristuhanon, indi lamang nga iya ginpatawad kundi nangadi kag ginhipsan niya ang ila mga ngalan, nga tungod sini ang tanan nagtawag sa iya nga santa incontinente ukon indi makapugong sang iya balatyagon. Si utod Rufa sa pagkamatuod indi gid maanting magpamati, apang indi sia dapat mag-ugtas nga si utod. Sipa nakabati kag sia iya wala: tungod sini may isa sia ka damgo nga nagpakita sa iya ang madamo nga kalag, indi lamang sang mga tawo nga patay kundi ila man sang mga buhi; ang mga kalag nga ginasilutan nangayo sa iya sang bahin sang iya mga indulhensya, nga nalista sing nagakaigo kag natipigan. Sarang sia makasugid sang mga ngalan sa mga panimalay nga may luyag, kag nagpangayo sia sing diutay lamang nga limos nga ikabulig sa Papa sa iya mga kinahanglan.
Ang isa ka diutay nga tawo, nga bakero, nga nangahas sa pagpasalig nga wala sia sing nakita kapin sa isa lamang ka suga kag duha ka tawo nga nagsadok, binudlayan kaayo sa pagpalagyo sa mga hanot kag mga pasipala. Wala pagpatihi ang iya
(1) Y1 buon di. . . —Ang maayo nga adlaw makilala sa aga
