- (1) Quidquid lutet, adparebit
- Nil inultum remanebit.
- (1) Quidquid lutet, adparebit
ANG LINGGANAY nagapatimaan sang takna sang pagpangamuyo sa hapon; pagkabati sang bagting sa pagtuo ang tanan nagadululog, ginabayaan nila ang ila mga hilikuton kag magtukas sang ila mga kalu; ang mamumugon nga nagahalin sa uma, nagadulog sang iya pag-amba, nagauntat ang sa kompas nga tikang sang karabaw nga iya ginasakyan, kag magpangadi: ang kababaen-an nagapalanguros sa tunga sang dalan kag ila ginakibot sing mahantop ang ila mga bibig agud wala sing magpangduhadoha sang ila pagkamatinuohon; ang tawo nagabiya sa paghuluhaplos sang iya sanggol kag magpangadi sang palangadion sa kahapunanon agud ang kapalaran maluoy sa iya; sa kabalayan ang mga tawo nagapalangadi sing mabaskog... ang tanan nga gahod Iwas lamang sang ave maria nagalapta, nagahipos.
Apang, ang kura, nga nagakalo, nagtabok sing madasig sa dalan kag nagtublag sang madamo nga tigulang, kag nadugangan ang pagtublag sa ila! Nagkadto sia sa balay sang alperes. Ang mga tumoluo naglaum nga tion na yadto nga dapat nila untatan, ang pagkibutkibot sa paghalok sa kamot sang kura, apang si P. Salvi wala magsapak sa ila; nian wala sia sing nakita nga kaluyag sa pagtungtong sang iya daw tul-an nga kamot sa ilong sang tagsa ka babae nga kristuhanon, agud kutob dira padalhayon niya bilang indi hungod (suno sa napanilagan ni Donya Consolaci6n) sa dughan sang matahum nga pamatan-on nga babae, nga nagduko sa pagpangayo sang iya bendisyon. May malahalon nga butang nga ginapanumdom ang kura nga tungod sina ginkalim-
(1) Quidquid lutet ... — Magalapit ang malayo, maathagan ang tinago.
