DIDTO SA KALAN-AN nagpalanihapon sanday kapitan
Tiago, Linares kag tiya Isabel; kutob sa kadak-an mabatian ang
linagatik sang mga pinggan kag mga kutsara kag mga tenedor.
Si Maria Clara nagsiling nga wala sia sing luyag sa pagkaon kag
nagpungkb sia sa pyano, nga ginbuylogan sang masadya nga Sinang, nga naghutik sa iya dulonggan sang kalatingalahan nga
mga tinaga, samtang si P. Salvi nagdayandayan nga indi. mahamtang halin sa isa ka utbong pakadto sa pihak man nga utbong
sang kadak-an.
Indi kay ang nagpaumpaw nga masakiton wala magbatyag sang gutom, indi; kundi naghulat sang pag-abot sang isa ka tawo kag ginhimuslan niya ang tion nga ang iya Argos(1) indi makatambong: takna sang inogpanihapon ni Linares. —Tan-awa nga ina nga pantasma mapabilin pa diri tubtob sa ikawalo ang takna, — kumod ni Sinang nga tinudlb niya ang kura. — Sa ikawalo dapat sia mag-ab6t. Ina sia nagapangaluyag man katulad kay Linares.
Si Maria Clara nagtulok nga may kahangawa sa iya abyan. Ini, nga wala makatalupangod, nagpadayon sang iya hambal nga makahalangawa:
—A! Nahibal-an ko na kon tungod sa ano nga indi pa sia buot mag-usik sing suga sa kombento! Nakasayod ka? Kutob nga nagmasakit ka, ang duha ka lampara nga iya ginsindihan. pinalong na man niya... Apang tan-awa sia kon ano ang iya pagtulok kag kon ano ang iya nawong!
Sadto nga tion ang takn^an sa balay nagbagting sang ika walo. Ang kura nagpalangurog kag nagkadto sa pagpungkb sa isa ka higad.
(1) Argos — Suno sa patupato nga sugilanon (fabula), may isa ka gatos sia ka mata kag ang kalim-an sini sa dalayon nagabugtaw. Pinatulog sia ni Mercurio kag inutod ang iya ulo kag linapta ni Juno ang iya mga mata sa mga pakpak sang pabo. Ginagamit ini nga isa ka sari sang pulolungon nahanungod sa manogbantay nga nagapasayod sing masunson nahanungod sang an6 nga hitabo.
