462
—Maabot na ski! — Siling ni Sinang nga kinusi niya si Marfa Clara. Nakabati ka?
Ang lingganay sang simbahan nagbagting sang ikawalo kag ang tanan nagtilindog sa pagpangadi; si P. Salvi sa tingog nga hungaw kag nagkurog naghatag sing palangadion, apang, sanglit, ang tagsa may iya kaugalingon nga mga panghunahona, wala sing nagsapak sa iya.
Halos matapos ang pagpangadi umabot si Ibarra. Ang pamatan-on nagdala sang dagway sang pagluto indi lamang sa panapot kundi sa nawong man, sa bagay nga sang makita sia, si Marfa Clara tumindog nga tumikang pakadto sa iya nga daw pangkuton sia kon ano ang nahanabb sa iya, apang sa amo man nga tion nabatian ang isa ka rinagaak sang luthangay. Dumulog si Ibarra, nagtiyog ang iya mga mata, nadulaan sia sing tinaga. Ang kura nanagb sa likod sang isa ka haligi. Bag-o nga mga luthang, bag-o nga mga linupok nabatian sa luyo sang kombento, nga sinundan sang sininggit kag dinalagan. Sanday kapitan Tiago, tiya Isabel kag Linares nagsululod sing dalidali nga nagsininggit nga: tulisan, tulisan! Ginasunod sila ni Andeng nga nagkumpasan sang alasalan kag nagdalagan pakadto sa iya inayop nga utod.
Si tiya Isabel lumuhod kag naghibi kag nangadi sang Kyrie eleyson: si Kapitan Tiago, nga nagpangluspad kag nagpalangurog, nagbitbit sa isa ka tenedor sang atay sang manok, nga iya gintanyag nga naghibi sa Birhen sang Antipolo; ang baba ni Linares buta kag may hinangiban nga isa ka kutsara; si Sinang kag si Marfa Clara naghaksanay; ang isa lamang nga naunay nga wala maghulag, subong sang bato, amo si Crisostomo, nga ang iya pagpalangluspad indi maasoy.
Ang mga sininggit kag linampusanay nagpadayon, dalidali nga pinangtakpan ang mga bintana, mabatian ang pamito, isa ka luthang sa tion kag tion.
—Christe eleyson! Santiago, tumanon mo ang imo mga panug-an . . . itakop ang mga bintana! — Kibot ni tiyh Isabel.
—Kalim-an ka bomba nga dalagkb kag may duha ka misa sa pagpasalamat! — Sabat ni kapitan Tiago. — Ora pro nobis!
Amat-amat nga bumalik ang makahalangawa nga kalinong...
Nabatian ang tingog sang alperes nga nagsinggit nga nagdalagan:
—Padre kura! Padre Salvi! Kan ka!
