- 465
nga landong sang mga kahoy. Didto, nga nagdulogdulog nga
naglakat sa wala mahibal-i nga mga alagyan, nagpangapyutkapyot
sa lumuton nga mga pund sang mga kahoy, nagpanagil-ot sa
tunga sang mga liiok, nagtulok sia sa banwa, nga didto ang iya
tiilan nagpaligo sa kasanag sang bulan, naghumlad sa kapatagan,
nga naglambot tubtob sa mga higad sang dagat. Ang mga pispis,
nga nagbulogtaw sa ila katulugon, naglulopad; dalagkb nga mga
kabog, mga bukaw, nagsinaylusaylo halin sa isa ka sanga pakadto
sa isa man ka sanga n-ga nagsininggit sing magahod kag nagtulok
sa iya sang ila manipulon nga mga mata. Si Elias wala makabati
sina bisan nagtulok sa ila.
Ginbatyag niya nga ginsunod sia sang may kaakig nga mga landong sang iya nagliligad; nakita niya sa tagsa ka sanga ang makakulogmat nga alat nga may unod nga duguon nga ulo ni Balat, suno sa ginsaysay sa iya sang iya amay; ginbatyag niya nga iya ginsandad sa tiilan sang tagsa ka kahoy ang bangkay sang iya tigulang nga iloy; daw ginpanan-aw niya sa tunga sang mga landong nga naghabog ang gabok nga tul-an sang iya wala’y dungog nga lolo... kag ang tul-an kag ang tigulang nga babae kag ang ulo nagsilinggit sa iya: matalaw, matalaw!
Binayaan ni Elias ang bukid, nalagyo sia kag nagdulhog sa lawod, sa baybayon nga iya ginlibot nga ginkibang; apang didto sa malayo, sa tunga sang mga tubig, diin ang sanag sang bulan daw nagbatak sang isa ka dampog, nagtijo sia nga nakita niya nga nagbatak kag nagkurog ang isa ka lambong, ang lambong sang iya utod nga babae nga ang dughan nagdugo, ang buhok nagbunghay nga naglapta sa hangin.
Si Elias lumup-og nga lumuhod sa balas.
—Ikaw man! — Kibot niya nga inuntay niya ang iya mga butkon.
Labot pa, ang iya panulok nga naunay sa dampog, tumindog sia sing inanay, lumakat kag umubog sa tubig nga daw may gin sunod. Nag-agi sia didto sa mahumok nga bagunbon nga naghimb nga bahura; malayo na sia halin sa baybayon, ang tubig naglam bot na sa iya hawak kag nagpadayon sia, nagpadayon nga daw ginbuyok sang isa ka kalag nga manogbalani. Ang tubig nag lambot na sa iya dughan... apang ang linupok nabatian niya, ang iya panan-awan nadula kag ang pamatan-on bumalik sa kamatuoran. Salamat sa kalinong sang gab-i kag sa tuman nga huyop sang hangin, naglambot sa iya nga maathag kag makilala
