— Matalaw ka! — Singgit sa iya sang ugangan nga babae ni Andong. — Samtang ang iban nag-inaway tungod sa imo, nanago ka, matalaw!
—Banyaga ka! — Hambal sa iya sang isa ka tigulang nga lalaki nga nagsunod sa iya, — laglagon ang manggad nga ginkamol sang imo panimalay sa pagtublag sang amon kalinong! Ban yaga ka! Banyaga!
—Bitayon ka pa kuntani, erehes! — Singgit sa iya sang isa ka himata ni Albino; kag sang indi sia makapugong kumoha sia sing isa ka bato kag hinaboy si Ibarra.
Ang paghaboy inilog gilayon sang iban, kag sa wala’y palad nga pamatan-on umolan ang balas kag mga bato
Binatas ni Ibarra nga may pagpaumod, wala magpangakig, wala magpanumbong sa tunay nga kaaligutgot sang pila ka tagipusuon nga ginsakit. Yadto amo ang pagpaalam, nga ginhimo sa iya sang iya banwa diin natuga ang tanan niya nga paghigugma. Nagduko sia; ayhan nagpanumdom sia sang isa ka tawo, nga ginhanot sa mga dalan sa Manila, sa isa ka tigulang nga babae nga napukan nga napatay sang makita niya ang ulo sang iya anak; ayhan ang maragtas man ni Elias naglabay sa iya mga mata.
Ang alperes naghunahona nga kinahanglan tabugon ang mga tawo, apang ang paghaboy sang mga bato kag ang mga pagpasipala wala mag-untat. Isa lamang ka iloy ang wala magbatyag sing kaaligutgot sa iya nahanungod sang iya mga kasakit: si kapitana Maria. Wala paghulag, ang mga bibig nagkipot, ang mga mata napuno sing mahipos nga mga luha, nakita niya ang pagtaliwan sang iya duha ka anak; nga nagtan-aw sang iya kabakod kag sang iya ginhipsan nga kalisod, si Niobe1 indi na mapatihan.
Ang katay lumakat na.
Sa mga tawo nga nagginawa sa malaka ng a mga bintana nga nabuksan, ang nagpakitli sang labing’ kahamuot sa pamatan-on amo ang mga wala paghilabot kag mga nagkalabulong. Ang tanan niya nga abyan nagpalanago, huo, pati si kapitan Basilio, nga nagdumili sa iya anak nga si Sinang sa paghibi.
Nakita ni Ibarra ang pag-aso pa nga mga salin sang iya balay, ang balay sang iya mga ginikanan, diin sia nabun-ag, diin p.agkabuhi ang labing’ matam-is nga mga handumanan sang
_________________
(1) Niobe — Suno sa mitolohiya ini amo ang larawan sang paghigugma kag paghinakit nga iluynon.
