SI MARÍA CLARA NAGPAKASÁL505
kuntani matandog bisán isá sang imo buhók. Apang quod eventum, eventum; Gratias agamus Domino Deo quia non in Marianis Insulis es, Camotes seminando!
(Patiha akó, primo, ang nahanabò, nahanabò na. Magpasalamat kitá sa Diwa nga wala ka sa mga Pulô sang Marianas nga nagatanúm sing mga kamote.)
Ang mga nagkahanabò katulad kay Kapitán Tinong indi bag-o kay Kapitán Tiago. Ang tawo nagbatyag sang daku nga kabalaslan, nga walâ niya masayri sing pat-od kon kay sin-o niya nautang inâ nga mga kabalaslan. Ginapahanungód ni tiyà Isabel ang milagro sa Birhen sang Antipolo, sa Birhen sang Rosario, ukón sa kubós, sa Birhen sang Carmen, kag sa kubós,' sa kubós, amó ang kubós nga saráng niya mahatag, sa Ntra. Sra. de la Correa: sunô sa iya, ang milagro indì maglikáw didto. Si Kapitán Tiago walâ paghimutig sang milagro, apang ginsug- ponán niya:
—Nagapati akó sinâ, Isabel, apang walâ makahimò sinâ ang Birhen sang Antipolo lamang; ang akon mga abyan nakabulig, ang akon palaabuton nga umagad, si Gg. Linares, nga, nahibalan na nimo, nagalahóg kay Gg. Antonio Cánovas, yadto'ng tawo nga ang iya laragway naggwa sa Ilustración, yadto'ng wala pagpadungóg sa pagpakità sa tawo kapin sa kapihák lamang sang iya guyá.
Kag ang maayo nga tawo indì makapugóng sang isá ka yuhóm sa kalipay tagsa makabatî siá sang isá ka talalupangdan nga balità nahanungód sang mga nagkahanabò. Kag walâ sing may nakulang. Ginhutikhotik sing tagù nga si Ibarra pagabitayon; bisán matuod nga kulang ang madamò nga pamatuod sa pagpakasalâ sa iya, sang ulihe may isá nga nagpakità nga nagpamatuod sang panumbong; nga ang batid nagpalahayag nga sa kamatùoran ang pagpatindog sang buluthòan sarang mahimò nga mangin-panagáng, isá ka pamakód, bisán nga may diutay nga kakulangan sanglit indì mapaabót ang kapin pa sa mga indyo nga wala'y inalung-ong. Ini nga mga hinuringhoring naghatag sa iya sing kalinóng kag nagpayuhóm sa iya.
Sa amó man nga bagay nga si Kapitán Tiago kag ang iya prima nagkatuhay sing mga kaisipán, ang mga abyan sang panimaláy napihak man sa duhá ka bahin: ang isá na-
