510NOLI ME TÁNGERE
—Wala na akó sing mahimò dirâ maunáy akó sa pagpuyô sa Manila... kag ikaw?
—Bayaan ko man ang banwa, — sabát niya nga humiwod. —Kinahanglan akó sang Pangulohán nga sa isá ka gubán nga masaylusaylo matinloán ko ang mga puód sang mga mabinatukon.
Tinulok siá ni Fr. Sibyla gilayón sa tiíl pakadto sa ulo kag bug-os siá nga tinalikdan.
—Nahibal-an na sing pat-od kon anó ang mahanabò sa pulo- pangulo, sa mabinatukon? — Pangkot sang isá ka alagad.
—Nagahambal ka kay Crisóstomo Ibarra? — Pamangkot sang isá. — Ang labing mahimo kag amó ang labing' matarong nga bitayon siá katulad sadto'ng mga ginbitay man sang '72.
—Itapok siá! — Mahinay nga hambal sang tigulang nga tenyente.
—Itapok! Wala na sing ibán kundi itapok! Apang kinahanglan itapok siá tubtob kon san-o! — Tugdà sang pilá nga dulongan.
—Kon abi inâ nga pamatan-on, — padayon sang tenyente sa tingog nga mabaskog kag matig-a, — nagmainandamon lamang sing labing' maayo; kon nagpati siá sing diutay lamang sa pilá ka tawo, nga iya ginsulatán; kon ang aton mga piskal walâ maghatag sing kapin kaayo nga kahulogán sang nasulát, inâ nga pamatan-on sa wala'y duhádoha nakalwás.
Iní nga pahayag sang tigulang nga tenyente kag ang iya paningog nagtuga sing daku nga katingala sa mga tumalambong, nga walâ sing nahibal-an nga ihambal. Si P. Salví nagtulok sa ibán nga bahin, ayhan agúd indi niya makità ang masulub on nga panulok sa iya sang tigulang. Nahulog sa kamót ni María Clara ang mga bulak kag naunáy siá nga walâ makahulag. Si P. Sibyla, nga makahibaló maghipos, daw amó lamang ang makahibaló magpamangkot.
—Nagahambal ka nahanungód sang mga sulát, Gg. Guevara?
—Nagahambal akó sang ginsugid sa akon sang tag-apin, nga nagtatap sang butáng nga may kaimon kag kaluyag. Lwás sang pilá ka madulóm nga dinalán, nga ginsulát siní nga pamatan-on sa isá ka babác sang walâ pa siá makasakay pa-Europa, mga dinalan diín makità sang piskal ang proyekto kag isá ka pamahog
