ANG PAGLAGÁS SA LINAW521
Si Ibarra nagpalangurog; ang bug-os niya nga lawas nagtay-og.
Nag-agi silá sa atubang sang palasyo sang Heneral kag nagtùo silá nga ila namutikán ang hulag kag kinagulà sang mga gwardya.
—Nasapwan nila ayhan ang imo pagpalagyo? — Kíbot ni Elías. — Hapâ ka, ginùo, agúd matabunan ko ikaw sing kumpay, kay maagi kitá sa luyó sang polborista, kag ang manogbantay basi maghunâhonà kon sin-o kitá nga duhá.
Ang baroto isá sadto'ng magagmay kag makitid nga mga ba- roto nga wala pagbugsayí kundì ginpaanod lamang sa ibabaw sang tubig.
Suno sa ginsigahúm ni Elías, pinadulog siá sang manogbantay kag pinangkot siá kon diín maghalín.
—Sa Manila, sa paghatag sang kumpay sa mga hukóm kag sa mga kura, sabát niya nga iya inilóg ang paningog sang mga tagá-Pandakan.
Ang isa ka sarhento gumwâ kag nangusisà sang nahanabò.
—Lakát! — Siling sa iya siní, — ginapatimàan ko sa imo nga indi ka magbaton bisán kay sin-o nga magsakay sa baroto; isá ka bilanggò bag-o lang makapalagyo. Kon madakpan nimo kag madalá mo dirí hatagan ko ikaw sing maayo nga suhol.
—Maayo, ginùc, anó ang iya mga pat-in?
—Nagasùot siá sing prak kag nagahambal sang kinatsilâ; mag-andam ka!
Ang baroto nagpahilayô. Bumalikíd si Elías kag nakita niya ang naggalhum nga dagway sang manogbantay, nga nagtindog sa pangpang sang subâ.
—Usikan naton ang pilá ka tión sang aton panahon, — silíng niya sa mahinay nga tingog; dapat kitá magsulód sa suba
sang Beata(1) sa pagpahilúm nga akó taga-Peña Francia. Makità
nimo ang subâ nga gin-amba ni Francisco Baltazar.
___________
(1) Suba sang Beata — Gin-amba ini ni Baltazar. Sang tuig 1835 si Baltazar nagkadto sa Pandacan, isa ka diutay nga banwa sa bagatnan náyon sang Manila. Diri ginhigugma niya ang isa ka matahum nga babae nga si Maria Asuncion Rivera nga sa iya ginhalad niya ang iya wala'y kamatayon nga binalaybay nga "Florante At Laura". Yari sa masunod ang bahin sang iya binalaybay nga iya gintig-ulohan, "Kay Celia":
And kaluluwa ko'y kusang dumadalaw
Sa lansanga't nayong iyong niyapakan
(Ang kasugpon sa pamihak 522)
