This page has been validated.
NANAYSAYON SI PADRE DÁMASO531
—Diwa ko, Diwa ko! - Singgit sang pari, nga tinabunan niya ang iya ulo sang iya mga kamót. — Ginasilutan mo akó! Apang bantayan ko ang akon anák! ...
Kag inatubang niya ang pamatan-on:
—Maluyag ka mangin-mongha? Mahimò; indì akó maluyag nga mapatay ka.
Inuyatan ni María Clara ang iya duhá ka kamót, inuntay niya, hinalukán niya kag lumuhód.
—Paninoy, paninoy ko! —sulit niya.
Si Fr. Dámaso tumaliwan sang ulihe nga masubô, nagdungók kag nagpanaghoy:
—Diwa, Diwa, nagakabuhi ka kay ikaw nagahatag sing sílot! Apang balusi akó kag indì paghaliti ang wala'y salâ, lwasá ang akon anák!
