NANAYSAYON SI PADRE DÁMASO539
iya ilóy naghimò sing mga milagro, kag halín sa isá ka sangá
pakadto sa isá man ka sangá lumatón siá sa lunók kag nakità niya ang iya ilóy nga nagpugóng pa gihapon sang iya ulo
sa mga tapi sang ganhàan.
Ang gahod sang mga sangá nakatawag sang igtalupangod ni Sisa: bumalikid siá kag buót sia malagyo, apang ang anák, nga nanginhulog sa kahoy, humakós sa iya kag pinutós niya ang iya ilóy sang mga halók, nga sang ulihe nalipong siá.
Nakità ni Sisa ang iya agtang nga nagpaligô sa dugô; nag- dungók siá sa iya, ang iya mga matá daw malumpat sa ila mga ilalakób, tinan-aw niya siá sa guyá kag yadto'ng maluspi nga nawóng tumay-og sang nagtulog nga mga inanib sang iya utok; daw may isa ka kiráb nga umiwag sa iya panumdoman, nakilala niya ang iya anák kag, nakasinggit siá, napukan siá sa iya anák nga lipóng, nga hinakos niya kag halukán.
Ang ilóy kag ang anák naunáy nga walâ na maghulag...
Sang maumpawán si Basilio nakità niya ang iya ilóy nga wala na sing pangalibutan. Tinawag niya, nga ginsambit niya sa iya ang tanan nga matam-is nga mga tinagâ kag, sanglit nakità niya nga wala na pagginhawá kag indi magbugtaw, tumindog siá, nagkadto siá sa sapâ sa pagkuhà sing diutay nga tubig nga sinulód niya sa dahon sang saging kag binasâ niya ang maluspi nga nawóng sang iya ilóy. Apang ang buang walâ gid maghulag bisán diutay lamang, ang iya mga matá nagpadayon nga kipót.
Gintulok sin ni Basilio nga nahakugmat; dinapat niya ang iya mga dulonggan sa iya dughan, apang ang maniwang kag huyós na nga dughan mabugnaw na kag ang tagipusùon walâ pagpitík: binutáng niya ang iya mga bibig sa iya mga bibíg kag walâ siá makabatyag sing kibů. Hinakós sang wala'y palad ang bangkay kag maghibî sing tuman kasakit.
Ang bulan nagsilak sa langit nga daw isá ka harà, naghu yóp ang dupoydupoy kag sa idalum sang mga hilamón naghinuni ang mga adudolay.
Ang gab-i sang kasanag kag kalipay sa pilá ka kabataan, nga sa mainit nga sabak sang panimaláy naghiwat sang pandot nga may labíng' matam-is nga mga handumanan, ang pandot nga nagpahanumdom sang nahauná nga panulok sang gugma nga
