nga nag-antos pa sang pagsakit sang mga ngipon, ayhan tungod lamang sa aton? Wala bala niya makita sang iya kaugalingon nga magagmay nga mga mata ang tanan nga Kristo sa wali sang Pito ka Sugb nga naghulag kag nagduko sang ulo sa kompas kag makatlo, nga nagpahibi kag nagpasinggit sang tanan nga babae kag mga kalag nga mabinatyagon nga manogpakadto sa langit? Dugangan pa? Kami amon nakakita sa mangwawali nga nagpatan-aw sa mga tumalambong sa tion sang pagtunton gikan sa sang-an, sang isa ka panyu nga duguon, kag buot na kuntani kami mahibi sa amon pagtuo, sang sa malaot nga palad sang amon mga kalag, ang sakristan nagpasalig sa amon nga yadto isa lamang ka lahog: dugo yadto sang isa ka manok, nga ginlitson kag ginkaon sing madali wala’y sapayan nga yadto adlaw nga Byernes Santo... kag ang sakristan nagtambok. Gani nga si Kapitan Tiago, sanglit isa ka tawo nga mahinalungon kag matinuohon, naglikaw sa pagpalapit sa kris ni San Miguel. —Maglikaw kita sa pagpalapit! — Siling niya sa iya kaugalingon, — Nasayran ko nga sia isa ka arkanhel, apang, indi ako magsalig, indi ako magsalig!
Wala pagligad ang isa ka tuig nga indi sia magbuylog nga dala ang isa ka orkesta sa mahinguyangon nga pagduaw sa Antipolo: sadto ginhinguyangan sing duha ka misa sa pagpasalamat sang kadamban nga nagpasakop sa ratio ka nobena kag iban nga mga adlaw nga wala sing mga nobena, kag magpaligo pagkatapos sa nabantugan nga busay, diin ang amo nga balaan nga larawan nagpaligo. Ang mga tawo nga matinuohon nakakita pa sang agi sang iya mga till kag ang mga agi sang iya mga buhok sa matig-a nga bato, diin niya ginhugasan katulad sang ginahimo sang maskin sin-o nga babae, nga ginagamitan sing lana sang lubi, kag sanglit ang iya mga buhok daw asero ukon batomaidlak kag nagbug-at sing isa ka libo ka tonelada. Kami amon naghandum nga ang makahaladlok nga Larawan mawaswas uli sang iya balaan nga buhok sa mga mata sini nga mga tawo nga matinuohon, kag tapakan sang iya till ang ila dila kag ulo. — Didto, sa luyo sang amo man nga busay, si Kapitan Tiago makakaon sang litson nga baboy, sinabawan nga haluan nga may lakot nga mga dahon sang alibangbang kag iban pa nga mga ginisa nga manamit kaunon. Ang duha ka misa magastuhan niya sing kapin sa apat ka
