kusóg sang subâ sang Pasig kag nga iní kapin sa makaisá nakahalit kag nakagubâ sang amó nga taytay.
Ang mga kahoy nga almendro sa plasa sang San Gabriel2 walâ magdakô, masakitón man gihapon.
Ang Escolta3 sa iya pagtan-aw indì man matahúm wala'y sapayán nga may isá ka dako nga baláy nga gindibuhòan sing dagway sang mga babáe nga ginpatindog sa duóg anay sang daan nga mga kamarín. Ang bag-o nga (taytay) Puente de España nakaagda sang iya igtalupangod; ang kabalayán sa natuó nga pangpang sang subâ sa tungâ sang mga kawayan kag mga kahoy, didto diín ang Escolta nagpangutbong kag nagsugod man ang (pulo) Isla del Romero, nagpahanumdom sa iya sadto'ng lab-as nga mga kaagahon, nga sa baroto nag-agi siá didto sa pagkadto sa mga palaligòán sang Uli-Uli.
Nakita niya ang madamò nga karwahe nga ginguyod sang matahúm nga mga pares sang magagmay nga mga kabayo: sa sulód sang mga karwahe, ang mga alagad nga daw nagkalatulóg pa daw nagpalakadto sa ila mga talatapán, mga militar, mga insik sa dag way nga daw mga buang kag makahalam-ot, mga prayle nga maligdong, mga alagad sa pagtuluohan, kag ibán pa. Sa isá ka madayaw nga victoria ukon karwahe nagtùo siá nga nakilal-an niya si P. Dámaso nga maligdong kag nagpasampok sang iya mga kilay, apang nakaligad na siá, kag karón malipayon nga hinatagan niya sing katahurán kutob sa iya karetela si Kapitán Tinong nga naglakát kaupod sang iya asawa kag duhá niya ka anák nga babae.
Sa utbong sang taytay tumarote ang mga kabayo pakadto sa dalan Sabána.4 Sa walá, nabatián niya gikan sa Fabrica de Taba- cos de Arroceros ang ginahod sa pamulpog sang mga mamumugón sang mga dahon sang tabakò. Si Ibarra indi makapugóng sa paglamhò kon iya madumdomán yadto'ng maisog nga bahù nga sa ikalimá sang hapon nagtugób sang Puente de Barcas nga nakapahubóg sa iya sang batà pa siá. Ang masadya nga sinugilanonáy, ang mga linahuglahog pumabalik sang iya handurawan sa baryo
(2) Plaza de San Gabriel —Ini nga plasa sadto karón amó ang ginatawag nga Plaza Cervantes, sedto isá iní ka puók sang banwa, karón arabal sang Binondo. Didto pinatindog sang mga dominiko, sang 1588, ang isá ka ospital sang mga insik.
(3) Escolta— Amó iní ang pagtawág sini nga dalan sa Manila tungód sa isá sang iya mga ginseng-an, ang ginatawág karón nga Callejón Soda, sanglit dira nahamtang ang mga kwadra sang eskolta ukón kaubay nga kabalyeriya sang Gobernador, ang Kapitán Heneral.
(4) Dalan Sabana— Sa karón amó ang Plaza Lawton kag ang Avenida P. Burgos sa Manila.
