Ang maalam nga dominiko wala sa balay sang parokya: ma aga pa, sang pagkatapos niya misa, kumadto sia sa kombento sang iya orden2 nga nahamtang sa duog nga mapasulod sa Puerta de Isabel II ukon sang Magallanes, suno sa kon ano nga panimalay ang naggahum sa Madrid.
Wala magsapak bisan sang mahamot nga alisngaw sang tso kolate, bisan sang gahod sang mga kahon kag sang kwarta, nga naghalin sa Prokurasyon3 kag daw wala na magbalos sa matinahuron nga pagyaob sang utod nga prokurador, si Fr. Sibyla sumaka, tinabok niya ang pila ka koredor kag nanuktok sa isa ka ganhaan. sang buko sang iya tudlo.
— ISulod!—tusngaw sang isa ka tingog.
— IKabay pa nga ibaiik sang Dios, Reberensya, ang imo maayo nga lawas! — amo ang abiabi sang pamatan-on nga dominiko sang iya pagsulod.
Nagpungko sa isa ka daku nga silyon, nakita ang isa ka tigulang nga pari, maniwang, nga nagpalangdalag sing diutay, katulad sinang’ mga santos nga dinuagan ni Rivera4 Ang mga mata nalubong sa ila naglupyak nga mga ilalakbb. nga ginhandungan sang madabong nga mga kilay, nga, sanglit dayon nga nagsampok, nagpadugang sang kilan sang iya mga mata nga daw iya sang patay.
Gintulok sia ni P. Sibyla nga bumatyag, nga nagpanimukb sa idalum sang talahaon nga eskapularyo ni Sto. Domingo. Sang ulihe dumuko sia nga wala magtingog kag daw may ginpaabot.
— A! — Guminhawa ang masakiton, — ginatugyan nila sa akon ang magpabusbos sa akon karon panuigon! Ang pungsod. ini nga makahaladlok nga pungsod! Magpatimaan ka sa akon. Hernando!
Hinay nga binatak ni Fr. Sibyla ang iya mga mata kag inunay niya sa nawong sang masakiton:
— Kag ano ang napat-uran sang imo buot, Reberensya? — pamangkot niya;
— Mapatay! Ay! Ano pa ayhan ang nabilin sa akon? Nakaantos na ako sing tuman apang ... ginpabatas ko ang madamo ...
(2) Orden — Isa ka katilingban sa pagtuluohan. (3) Prokurasyon — Sa mga kinahanglanon sang pari ang prokurasyon amo ang tagpatigayon ukon manogbakal bilang nga sa masunson sa kubos nga mga bili. (4) Mga santos nga dinuagan ni Rivera. —Si Rivera (1588-1656), isa ka mandudoag nga katsila nga gintun-an ni Caravaggio. Nakahimo sia sing madamo nga dinuagan nga gindayaw sa kahimpitan sang iya pagduag.
