nabayaran ko ang akon utang! kag ikaw paano ka? Ano ang data
mo?
— Nagkari ako sa paghambal sa imo sang gintugon mo sa akon, — siling niya.
— A! kag ano kuno ina?
— Ps!—sabat sang pamatan-on nga malain ang buot nga lumingkod kag linisb niya ang iya nawong nga umaslom sa isa ka bahin, — nanugilanon sila sa amon sang daw indi mapatihan; ang pamatan-on nga si Ibarra isa ka bata nga mahinalungon, daw, indi man lungoslungos, kundi nagapati ako nga isa sia ka maayo nga bata.
— Nagapati ka sina?
— Kagab-i sinugdan nila ang ginamo!
— Matuod? Kag paano?
Si Fr. Sibyla nagsugid sing malip-ot nahanungod sang nahanabo kanday P. Damaso kag Crisostomo Ibarra.
— Labot pa, — sugpon niya nga iya gintapos, — ang pamatanon kaslon sa bata nga dalaga ni Kapitan Tiago, nga nakatuon sa kolchiyo sang aton mga hermanas; manggaranon, kag indi malu yag magpangita sing mga kaaway sa paghalit sang iya kalipay kag manggad.
Ang masakitdn tumangotangb nga nagmatuod.
—Huo, nagahunahona ako subong man sa imo... sa amo ina nga asawa kag isa ka ugangan nga subong sina, mangin-aton sia lawas kag kalag. Kag kon indi, maayo pa kon sia magpakilala nga kaaway naton!
Tinulok ni Fr. Sibyla ang tigulang nga may katingala.
— Sa kaayuhan sang aton balaan nga kumboyahan, nahangpan mo? — sugpon niya nga guminhawa sing mapin-ot. — Pa sulabihon ko ang mga pagpakamalaot sangsa hinasb nga mga pagdayaw kag mga paghangad sang mga abyan ... ang kamatuoran nga binayaran sila.
— Nagahunahona ka, Reberensya?
Tinulok sia sang tigulang nga masulub-on.
— Panumdumon mo ina sing maayo! — Sabat niya nga gu minhawa nga may kakapoy. Ang aton gahum magadugay tubtob sa gihapon nga aton ina ginapatihan. Kon atakahon nila kita, ang pangulohan masiling: ‘Ginaatake nila sila kay nakita nila sa ila ang kasablagan sa ila kahilwayan, gani nga tipigan naton sila.
