tèḍoeng è băbă." Tapè tada' kèrana randjáng djǎrèja sè bhoerto'a, sabab tjè' kokona. È ḍălem kamar tjè' sowappa
amarghǎ panassa bessè tabingnga kapal èkennèng panassa arè; ontongnga angènna ngalesser maso' è ḍălem kamar lèbǎt è tjanḍéla boenter, sè aboekka', aghåbaj tjelleppa è ḍălem kamar.
Bhăreng sè ghoe-nèngghoe è djăḍijă la bălăttra pas ongghǎ alèbădhi ḍèk tengnga, kennengnganna orèng nompa' è ḍèk. Rèng-orèng, sè nompa' è djădijă, ta' èsadijǎi randjang, tapè apolong bhăi, tèdoeng è lama'na bi'-dhibi', tambhănganna kapal ijă moḍă.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Orèng sè kaempa pas adjhălăn terros napa' è kamar messín. O, radjă ongghoe mesínna. Soekoer tao njarèta'aghi nè'-sakonè' djhălănna messín djărèja, sabăb la tao èbălãi băn sèttongnga masnis, bǎrinna' kandhǎna: È băgiăn bă-băbă è ḍălem kapal băḍă bessèna radjă, landjhǎng sarta ghilik. Kontjo'na napa' è ḍi lowaranna kapal sè boeḍi; è kontjo' djǎrèja băḍă papan bessèna pa'empa' akanța ènterran, njamana roḍă. Bessè sè landjhăng bhoeroe èpapèddhel băn messin; chăddhi rodana ijă noro' apèddhel è dǎlem aèng, kapalla pas adjhălăn.
E sakolènglèngnga messin băḍă kennengnganna areng băto. Kalamon kapal mangkata ḍări sèttongnga palabbhoeňn, kennengngan djărèja èèssè'è areng băto.
Masnís băn settoker tanto ta' senneng aenneng è kamar djárèja, sabab tjè' sowappa, amarghă semma' băn apoj, tapè serrèna kapaksa alakonè bădjib, ijà èna'-perna'aghi.
