1. Amadhăt.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Nalèka è sèttong arè badja lagghoe arè ghi' bhoeroe katon sonarra; langngè'na è tèmor konèng ngadhirap akanța emmas, se ghi bhoeroe marè èsanglèng; nong-ghoenong ghi' èkep-keppe boen-arboen; reng-orèng sè tèdoeng bannja sè ghi ta' djhagha; na-kana ghi' paḍǎ amempè; sa-dhisa ghi tjè' seppèna. Anangèng nalèka djareja bada keja orèng, sè ella djhagha, adjhalan ako-bhoeko sarong entar ka songaj mandia. Natkala djǎrèja è lorong ghi tjè' seppèna, taḍǎ' orèng ngalèmba; anangeng orèng, se adjhadj hoewal è baroeng mongghing è pengghirra lorong, ella èmo' mokka baroengnga, ngandhel biddang, aghoering gheddhang otaba aghabaj djhadjhǎn laènna. Sakeddjha' agghi' mon băḍǎ orèng lè-mellèa tanto ella bada apa sè èbellia. Orèng, sè anḍi baroeng djareja, ghi' parappa'na èmo' aring-ghoering. pas ngèding sowarana na'-kana' ghi' nambhan ra'-èra'an ngaggha kerbhoej, sadjan abit sadjan semma'. Bhǎreng èabas, baḍǎ na'-kana' nompa' kerbhoej sambi ngaggha kerbhoejja. Kalamon kerbhoejja adjikdjik, tjè pèrakka, pas aghella'ǎn. Eppa'na, sè abhǎrengngè ana'na sambi mèkol landoe', ta' njapo' paberka'na kerbhoejja.
Orèng binè, sè anḍi baroeng ghella', ella sarmo bi'
