10
Antara saeddjhäm abiddha, sè anḍi' baroeng nangalè Pa'na Asík lèbat, tapè tjè' mengnga'na, èkèra Pa'na Asík bhoeroe ongghǎr sake', sabab ropana potè olaj, matana tjelkong, pèpèna kelpong; sabbhanna mon lèbat njapa, nangèng nalèka djǎrèja padjhǎlǎnna nondoe' bhai, ta' lè-tolèan. Sè alako è saba ija tjoma sakeddjha' pas molè, ta' akanța sabbhanna taker abăn. Mowana ta' bhinar akanta sè ella. Mama' bän ana' paḍǎ neng-enneng bhai, taḍǎ' sè tja-ngotja'a, ropana akanța orèng sossa. Sanapa'na è bengkona Boe'na Asík ngabás lakèna kalaban atè sossa,
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
tapè sè lakè' ta' njapa sarta ta' enḍǎ' ngakan, ladjhoe terros mandi bhai. Samarèna mandi ladjhoe adhǎndhǎn, pas adjhǎlǎn èntar ka kotta ta' katèk amèt ḍǎ' ana' binèna. Djhaoena kotta djarèja tjoma saeppos, molana kongsè abit bhoeroe napa'. Padjhǎlǎnna lèbat è pasar pas amboe è lorong kènè'. Samarèna kèr-pèkkèran sakeddjha' pasadjhalan polè noro long-ellongan tjopè' sarta petteng, sabǎb arè ella tjompet. Padjhalanna napa' è sèttong pakarangan kènè' bǎda lantèra'na lèk-mellèk. E djadijă bădă bengkona sèttong, è dǎlem bǎḍǎ kasa'na orèng atjatja. Pa'na Asík tok-toktokan; labangnga bengko djǎrèja èboekka. È dalem roma bádă eggångnga; dhamarra pèra' sèttong lèk-mellék. È kanganna eggäng djärèja bădă pangkèngnga ngangghoej tjandéla kènè' bădă ratja'na. È dalem kamar bǎḍǎ Tjènana kasorang todjoe' è seddhi'ǎnna tjandéla.
Pa'na Asik adjhoeloeǎghi pèssè ḍǎ' Tjèna bhoeroe, pas nampanè tjandhoe sakalenteng radjana.
