19
Pakalowarra ḍări djharangan ella dhaddhi owa', ladjhoe kalowar dări dăpor abhăreng tja-kantjana lèbat è tjanḍéla. Sè tjalèpèr ngotja' polè: "Tja-kantja, senneng ongghoe satèja, ollè alalana salèbarra alam nekka'aghi karep."
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Pangolboe'na owa' ghella' atamba abit atamba tèngghi kongsè mették, ta' ètangalè ḍări băbă. Sa dhisa ètangalè ḍări bang-abang tjoma katon pada bǎn padjoeng; rèng-orèng, sè alako è saba, radjana tjara bilis.
Sè ngolboe' atamba tèngghi polè sambi ra'-èra'an bărinna': "Lǎ, tja-kantja, madjoe' paḍă njapot arè, sè bännja' kabettjè'anna da' èssèna alam. Sapa ban apa ra sè ta' abherri'à panarèma ḍă' arè? Orèng, kèbăn, boe-tomboeăn băn sakabbhiănna men-tamenan pada arassa'aghi panassa arè. Bilă arè ombăr, èssèna alam padă anga-bhoenga sarta ngalem bhaghoessa tjahjana."
Anangèng owa' ghella' so'è abit so'è korang lèboerră sè ngabang, sabab hawana è attas tjellep; atamba tèngghi atamba katjep tjelleppa. Owa' djărèja ta' ngèra djhǎ' è
