Page:Pangghellar Bhoeddhi.pdf/181

27

boeän sè è lambhoengnga ghoenong djärèja kennèng sonarra arè katon ngabhiroe akanța baboet, sè èampar; ropana è djadija assrè sarta taremtem. Tapè saongghoena ngabatèrè, karana ghoenong djärèja ghoenong apoj; kabana terros ka dalem bhoemè aèssè apoj bän bäto marong, kalamon kalowar tao aghabaj karosakan. "Apa ghoenong djärèja ella tao leddhoe'?" Ijä ella tao. Nalèka taon 1913 boelän Agoestoes ollè 30 taon teppa' dari paleddhoe'na. Eppa' băn embha tanto ghi' katjapo'. Doe ratos taon abiddha ghoenong djarèja djhemdjhem bhai, molana tada' orèng sè njangka djha' leddhoe'ǎ. Nalèka boelan Mei taon 1883 ghoenong Rakata otabă Karakatao djärèja molaè ngamok; kabana makalowar apoj talèbát nako'è; okossa bhoel-ngebbhoel ongghä ka bäng- abang talèbat radjana, tèngghina kongsè 12000 M. È di dalemanna kaba sowarana agaleggerrän akanța ghǎloe- dhoek, aghabaj kèrèssa atè. Sè barija djarèja ta' abit, pas sabbhar polè. Bannja' wan-towan dari Bettawi èntar ka polo Rakata, marèksa kabada'anna ghoenong djärèja bän kabana, nangeng ta' nemmo dha-tandha sè ngobatèrè; kabada'anna ghi' pagghoen akanta è dalem 200 taon sè ella kadjhalanan; amargha dari djarèja orèng ta' ngèra sakale, djha' ghoenong Rakata bhakal leddhoe'a kongsè aghabaj bhalai radja. Nalèka è tangghal 27 boelan Agoestoes taon 1883 bädä sowara salèng ngadjhagghoer kalowar dari ghoenong Rakata, èkaèding è kennengngan sakolènglèngnga djadija, akanţa sowarana marèjem sè amonjè abhäreng. Dhinèng pakalo- warra okos dari kaba aradja'an ban pangolboe'na atèng- ghian ban sè è nalèka boelan Mei. Tèngghina okos djárèja kongsè 29000 M. E okos sè ngatjelleng djarèja bada apojja salèng ngatjorot