Nalèka djarèja langngè'na petteng amarghă ondem, angènna tanḍes, ghoelina sampan atambă bhănget èpokol omba' sasat taḍă' amboena.
Eh nèserra kana' kaḍoewa djarèja. Arapa ra Arbidín mè' tjè' èntèngnga! ..................................................
8. Katolongan. (Sambhoenganna bhab 7).
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Kaotja'a è kèsèk abak nambhăn băn kennengnganna Arbidín djărèja băḍă oréng kaḍoewă paḍă tatèḍoeng.
Paḍătengnga è djădijă nompa' sampan, ngala'a tellorra pennjo. Serrèna nalèka djarèja arè tje panassa, ladjhoe njarè kennengngan sè aop, pas ḍoeng-tèḍoengan è djadija, tapè ladjhoe tatèḍoeng.
Sampanna èdhina è telloe' sè tjeddhoe. Orèng kaḍoewǎ bhoeroe ta' ngataoè paḍătengnga Arbidín băn alè'na. Bhăreng djhaghă, nangalè onḍemma kandhel, angènna tandes, pas li-dhoeli èntar ka sampanna, tapè tjè mengnga'na bhăreng tao, mon sampanna taḍă'.
,,Pó, sampanna èlanjo' aèng, ka'," otja'na sè sèttong.
,,Engghi, tapè ko'amma paboeroena?" Sè kaḍoewa ghantjangan ongghă ka ghoemo', ladjhoe bas-abasan ka tasè'.
Momolanna ta' nangalè pa-apa, kadjhăbhăna omba' sè ngapotè katopoan bi' kapo'na aèng; tapè bit-abit pas nangalè leng-tjelleng è djhăoena.
