Orèng bănnja' djărèja ladjhoe abăli èntar ka kennengnganna parao mantjèng. Sanapa'na sakandja orèng kadoewǎ ghantjangan alontja' ka parao; ladjărră pas è barbar; mama'na Arbidín sè negghoe' kamoḍḍhi; anangèng paraona ta' dhoeli ka tengnga, sabab èpokol omba', tanoro' ka pèngghir polè; djhoekong djarèja pas èsotok bi' orèng
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
kaempa paḍă gha'-sogha', kongsè abit sè alaban omba'. Sè njotok kongsè djhăoe ka tengnga, aèng kongsè ghan bhăoena. Di-boeḍina djhoekong djarèja èsotok sakellarra njakalèjan bhoeroe enḍă' adjhălăn terros.
Angènna bhărăt, padjhălănna djhoekong tjè lèsèkka, paraona taker mèrèng, tapè orèngnga ta' kobatèr, sabăb sè negghoe' kamoḍḍhi ella ahli è tasè' tor pènter, ella segghoet alabăn omba' băn angèn sè alebbiăn băn djärèja. Padjhălănna djhoekong djărèja sasat mano' ngabbher; ladjarră potè ngettak akanta kalèmbăng.
