............................................
Arbidin băn alè'na neng-enneng è ḍălem sampan talèbăt tako'na, ta' ngèra djha' oḍi'a. Sampanna djha'-sakeddjha' kamaso'an aèng amarghă pamokolla ombă', ella para' karemma. Aèng è sampan ella kettjem to'ot. Na'-kana' kaḍoewǎ djǎrèja salang abas, ladjhoe aṭarat: ,,Tolong! Tolong Tolo..... ng!" Anangèng paṭaratta èlang bhăi èkebbhát angen. Kalambhina èboekkal, èbă'-èbă'ḍăghi,
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
sopadja bada'a orèng sè nangalè; tapè ija partjoma kèja, sabab sampanna ella tjè' djhãoena dari pasèsèr; sè kadoewǎ ta' nangalè orèng sèttongnga.
Amina nokopè mowana băn tanangnga tako' nangalè ombă', sarta aserro bărinna': ,,O, sèngko' matè satèja. Aḍoe emboe', aḍoe mama' tolongè sèngko' ma' !"
Arbidín mandjheng polè atjerrènga mènta tolong, na- ngèng...
