9. Prèi.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Arè tèja boelăn Djhăbă tanggal 28 Rebbă; rèd-morèd è sakola'an Banḍoeng èparèntaè băn ghoeroena molaè lagghoena kongsè tangghăl 10 boelăn Sabăl sakola'an notop, na'-kana' ollè prèi.
Rèd-morèd paḍă asorak è pamengkangnga sakola'an tjè' èngerra. Apa polè sè kellas mabă lake' bine paḍă tja'-lontja'an, băḍă sè tjo-lontjoan, pa'-kopa'an sambi rèng-tjerrèngan sakèng bhoengana.
Red-morèd kellas tèngghi ella bannèan pèkkèrra, ta' parlo angabhoenga akanța tèngkana na'-kana' kènè'; sè bărija djărèja ta' patot mongghoe ḍă' na'-kana' kellas tèngghi; pamolèna ḍări sakola'an rarem bhăi, tjoma tja-tjana mèlèr taḍă' peggha'na, ngatjatja sè èlakonana è băktona prèi.
Sanapa'na è bengkona abălă ḍă' orèng towana, djhă' molaè arè djărèja sakola'anna notop.
,,Marèna, bă'na alakoa apa saabiddhă prèi rèja, Ha?" otja'na Pa'na Saha ḍă' ana'na.
,,Apasèjara, ma'; nompa'a djhărănna lora kalèboen, èpandiana ka songaj radja," saotta ana'na.
,,Ah ma' njaman," sambhiddhă mama'na: ,,apa ta' ènga' sè aghabǎjă bhoen-kebbhoenan, tjong?"
,,O, èngghi, ma'; kaoelă ta' malopa'a sè alakoa è kebbhoen. Ghella' kaoelă èparèngè bighina bhăng-kembhăngan
