,,Arapa Dri ?" patanjana Saha.
,,È ḍissa ta' perna, ta' rammè mara ḍinna'. È dissa tjè' seppèna," saotta Pențèt.
Na'-kana' sè laèn taḍă' sè tja'ngotja'a; kabbhi paḍă terro noro'a nompa' seppoér.
,,Madjoe' djhă' noro'a adjhăng-koladjhăng Ha!" otja'na Achmad.
,,Endja' ka; sèngko' molèa; lagghoena mangkata ghi' petteng." Dă'bărijă saotta Saha, pas berka', maso' ka romana. Nalèka djǎrèja mama'na èmo' sè akes rèngkes, njădija'aghi sè èghibă'ǎ lagghoena.
10. Èntar ka Garoet.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Pokol empa' para'sèjang Saha ngèḍing amarghǎ karodoe'na karètèk. Mama'na ijă ella ngèding kèja. Saha toron ḍări lèntjakka kalowar manḍiă. Aèngnga tje tjelleppa kongsè katjep, èba sabǎrijă pamanḍina Saha njaman bhăi; abă'na arassa kobǎssa. Marè manḍi pas adhăndhăn sambi akatja. Pèppè gantengnga. Aoḍheng pèrètan, kalambhina djǎs potè ngeṭṭak; ladjhoe kalowar ngabăs ka lorong, amè' băḍă kantjana, sè neng è djădijă. Anangèng è lorong ghi' tjè' seppèna, ghi' taḍă' orèng ngalèmbă. Se băḍă tjoma karètèk ḍăḍoewa' amboe è aḍă'anna bengkona; lantèra'na ghi' tjar-kentjaran. Talommerra ḍoe mègghi' aèssè dhăn-
