3. Terrosanna bhǎb 2.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Kaotja'a nalèka arè tellasan, rèng- orèng dhisa paḍă èntar ka koṭṭa, nengghoei mèn-rammen. E lonalon tjè rammèna. Na'-kana' noro' orèng towana padă ghoenèngghoe è lon-alon. Mon lesso pas amboe lè-mellè è bǎroeng. Lampoena masèghit tèra' tar- kataran. Sèngko' bi' Achmad ngèrèng eppa' bǎn emboe' lornjellor è bănnja'na orèng. Kangdjeng Bhoepatè bhoebhar dări masèghit èèrèng para pardjadji. Nalèka djärèja kem- bang api molaè èsolet; lèng-tjèlèngan salang padjheddhär, talèbăt rammèna. Apojja salang ngatjorot, sasat mossa'è lon-alon. Achmad mèjak kaaḍǎ', terro nèngghoeǎ sè pasdha. Nalèka djireja bǎḍǎ leng-tjelengan tamboer amonje sarta abhǎlessatan è tana; Achmad nangalè ellong sèttong sè ghi' ta' amonjè, ladjhoe èkala'a; nangèng bhareng la semma', ellong djǎrèja amonjè, apojja naboej ka mowana.
Achmad laboe tadjhǎroengngep sarta nangès rat-taratan, kasakè'en. Eppa'na ghantjangan madjhagha, tapè Achmad ghi rèng tjerrèngan:
,,Aḍoe, sang-mata, sang-mata, aḍoe sang-mata tjè' sake na!"
Eppa'na tjè' seḍḍhina, amargha korang tè-ngatèna ana'na sarta ngotja':
,,Majoe', ḍǎ'anna'!"
Pangghellar Bhoeddhi. I. Mad.
