,,Masṭè tao; mon dhika terro taoa kèja, maḍḍhă èntar ka kebbhoen, dhăddhi boelă ollè dhoe-nodhoeăghi."
,,Ponapa kèngèng nèngalè ka' kassa ?"
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
,,Engghi ollè; mon èlèllanè băn eppa'na, maḍḍhă lagghoena ghi' petteng noro' boelă ḍă' kebbhoen."
Kana' sè kaḍoewă paḍă pèrak, sabăb bhăkal nèngghoea tamenan ettè; mandhă'ǎ lèboerră. Bhăreng abălă ḍă' eppa'na, eppa'na ijă alèllanè, la-mala noro'a kèja.
Ghi' ri-bhări na-kana kaḍoewǎ djarèja ella paḍă tèḍoeng, tjè' agherră sè lagghoeà polè. Kalagghoeănna ghi petteng orèng kaḍoewa kaempana Saha băn Amad paḍă mangkat ḍă' ka kebbhoen ettè.
Bhăreng sè adjhălăn ra-kèra ollè ḍoe eppal noro lorong radjă pas abhiloek noro lorong sèmpangan. Saellana antara abit Saha ladjhoe atanja: ,,Bilă sè napa'a ka kebbhoen ettè ?"
,,Anèko ta' empon napa'. Abăssaghi, gharowa sè ngabhiroe ghăt-djhăghat ta' bhoengkana ettè!?"
,,Băddhinna," otja'na Amad. ,,Pangèra kaoela bhoeng- kana ettè panèka tèngghina ngongkolè kaoelă."
,,Tao kèja sabărinto, tapè kodhoe ètoko' ma' ollè ḍhăp-manăhăp, sabăb mon tèngghi ghalloe malarat sè mettèka."
,,Ponapa lakona orèng binè nja'-bănnja' ènggharowa ?" otja'na Saha.
,,Molong ḍăoenna ettè," saotta Kertè.
,,Manabi sapanèka ghampang bhisaos, sanèjap orèng èngghi onèng meṭṭèk."
,,Tja'na bă'na ghămpang," sambhiddhă eppa'na, "tapè ba'na tanto ghi ta' tao."
