61
Nalèka djărèja băḍă orèng njao' saperghem pas ètjabbhoer ka ettong sè aèssè aèng; ghi-bighi bhoeroe ladjhoe paḍă njèllem bădă kèja sè ngambang. Mandoér Kertè ngotja': "Maddha nèko tèngghoe. Sanonto dhika tao bărǎmma akkalla sè taoa èsak ta' èsakka bighina ettè. Sè ngambăng nèko ta esak, sabăb kèpa'; dhinèng sè njèllem ghanèko tandhana ras-merras, èngghi nèko sè èsak.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Bighina ettè sè ras-merras tjara ghanèko ètabhoer è panaktakan beddhi nèko." Sè ngotja' ḍă' barija sambi nodhoeǎghi panaktakan beddhi, sè ella marè ètaboeri bighina ettè. È djaḍija băḍă ata'na èangghoej kodoengnga. Mandoér Kertè ngotja' polè: "Băḍă neng è ko'ija bighina ettè nèko tao tomboe. Lǎ, nèko ta' èngghi pon bădă sè tomboe." Mandoér Kertè ngala' bighina ettè, sè ella tomboe sèttong, ètodhoeaghi ḍă' Saha băn Ahmad, otja'na: "Sabelloenna bighina ettè nèko tomboe, orèng empon aghabaj panakṭakan laèn polè, enneng è tana; tana ghanèko èbali', èlandoe'i èpatjè' ardoengnga. Beltana ettè sè ghi' ni'-kini' tjara nèko èallè ka panakṭakan sè bhoeroe, panamenna kodhoe ngastètè, ramo'na mastè enneng è băbă, sabbhan arè èsèramè ta' kennèng tobang, sarta ta' ollè èkennèng panassa arè, molana èkodoengè tjara ata'.
