14
14. Pèrokonan dhăghăng.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
dhisa Mangngaran bengkono tjoma bădă 30 koren, orèngnga tadă' sè soghi, sabăna tada sè lèbăr, tor sabă tadhǎ odjhăn bhǎi; nangèng orèng è djǎdija tada' sè ngersola amargha kamalaratanna djárèja, kabbhi padă narèma, sarta padă tarèsna da' dhisa băn tana padoempa anna darina, sangkolanna orèng towana băn tas-attassa. Tjoma sèttong hal sè ta èkasenneng, ija arèja djhăoena dhisana ka pasar koṭṭa. Endja ta' karana terro apasèjara ka kotta, tapè tjè' njangsarana mon lè-mellèa kabhoetoanna orèng ako-bengko. Torkadhăng bădă kèja Tjèna sè adjhadjhă è sa-dhisa, nangèng padatengnga ta' mastè neppa'è mon bhoeto. Opama mon noddjhoenè ta' andi' mènnja' găs, tjorèt, saboén băn mènnja' kalettèk, apa adantè'a padatengnga sèngkè sè aèddher? Sala bărijă, djhoewălănna tjè' larangnga. Nangèng sè bǎrijă djărèja ella mastèna, tja'na sè Tjèna; sabab aba'na orèng adhăghăng, sè adjhădjhoewal oe-djhǎoe ka dhisa, terro ollèa ontong bănnja'; apa polè pangarèna, rèng-orèng dhisa rèja padă dhoe-bhoedhoe, ta' kèra tao ka arghǎna bhǎrăng. Anangèng pangèra sè dă'bărijă djǎrèja kalèro, karana orèng dhisa bhoeroe padă njomèl, polana ètjo-kotjo bhai moso Tjèna.
E sèttongnga arè badja ri'-bhari' è bengkona Pa'na Saoet bănnja tamojja padă tatangghăna kakabbhi; ropana tjè' njamanna sè padă among-omong. Djhăng-landjhăngnga
