15. Tjarètana polo Bhali.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Polo Bhǎli rèja kennengnganna tèmorra tana Djhăbă, tjoma ella' sellat kènè', sè anjama sellat Bhǎli. Polo djǎrèja akènè'an sakone băn paressidénan Bhăn ten, tapè bănnja'na orèngnga doewă kalèna; dhinèng sabǎbbhǎ sè njata, karana polo Bhăli rèja sèttong polo sè dhoe-landhoeăn satana Indija Tèmor.
Kalamon orèng dateng è polo Bhǎli tanto pas nangalè bă-sabă sè tjè lèbarră; endjǎ' ta' tjoma è tana lembăna bhăi, somèlè è tana paghoenonganna ijă bănnja sabǎna băr-lèbăr. Dhisana padă èkolènglèngè paghǎr alas otaba paghar tana lempong. Kalamon ètanja'aghi arapa ma' ḍă'bărijă, sarta apa sabăbbhǎ tong-sèttongnga pamengkang ngangghoej paghăr tjara djǎrèja, djhawǎbbhǎ, ghi' konana para Rato è Bhǎli segghoet padă aperrang. Nalèka djărèja parlo sakalè sa-dhisa èpakoko ngangghoej paghăr alas otabă tana, èangghoej adjăgă moso.
Satèja saantèrona polo Bhăli ella dhăddhi bhăbă parèntana Kangdjeng Goepermèn Bălăndhă, molana paghǎr tjara djărèja ta' parlo; bit-abit tanto èlang.
