20. Orèng Dǎjǎ'.
Ra-kèra lèma taon sè tapongkor è pèngghirrǎ lorong sè ḍă' lao' ḍări Bandoeng, semma' bǎn songaj Tjitaroém, băḍă bengkona nè'-kènè'.
Tja'na orèng è Dǎjǎkkolot, sè ngennengngè bengko djǎrèja orèng bhăngsa Daja asal ḍări polo Bornijoe.
Polo Bornijoe rèja polo sè djǎ'-radja'an kadhibi'. Kottana sè dja'-radja'an kotta Bhǎndjhărmasèn.
E pasèsèrra polo Bornijoe djărèja èkennengngè bhǎngsa, sè asalla ḍări lo-polo laèn è tana Indijă Nederland. Dhinèng orèng bhoemèna otabă orèng boekenna ènjamaè bhǎngsa Dajă." Tapè sè abherri' njama bărijă djarèja tjoma orèng Erropa otabă orèng Djhăbă. Mon pangakona orèngnga dhibi' ta' bărijă. Akanța è tana Djhăbă orèng bhoemèna băḍă 3 bhăngsa: bhăngsa Sondha, Djhăbă băn Madhoera. Bǎrijă kèja orèng bhoemèna polo Bornijoe bădă pan-bărămpan bhǎngsa, ijă arèja: bhăngsa Olo Ot, Olo Ngadjoe, Ot Dǎnom băn èn-laènna polè.
Orèng Dǎjă sè kasebbhoet è attas ghella' bhăngsa Olo Ngadjoe. Orèng djărèja njarèta'aghi kabǎdǎ'ǎnna tanana akanta è băbă arèja: "Orèng Dǎjǎ', sè ampon atjampo sareng èn-laèn bhǎngsa, ampon aobă adhăddhă, bannèan sakalè sareng Dǎjă' sè
