ghăn; batona ngandengngè djhălăn akadhi ḍăm; paraona kapaksa ètadjhǎ', èpaongghǎ.
Saamponua sè adjhalan ollè lèma arè ampon napa' è kennengngan sè èsaddjha. Towan aparèng parènta paḍǎ'ǎ tè-atè. Sanatkala ghăpanèka băḍă sowarana orèng atjerrèng, sareng băḍă pana salèng ngatjorot, kadhiă băḍă ḍoebellǎs
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
mègghi', lagghis teppa' ka sèra, paḍă ghagghǎr ka songaj. Ḍări djhǎoeăn, mongghing è pèngghirră songaj, băḍă orèng bănnja' katon paḍă boeroe maso' ka alas.
Parao sè ètompa' èpakapèngghir; towan sareng sarḍăḍoe paḍă ongghǎ ka dhǎra'; kaoelǎ ta' tjèttjèr, ladjhoe adjhălăn noro' pot-pot, lèbăt è alas ladjhoe napa' ka kampongngèpon orèng Papoewa, băḍǎ bengkona tatello'. Tong-sèttongnga bengko èkennengngè orèng bănnja'; nangèng nalèka ghǎpanèka taḍǎ' orèngnga sèttonga; sadhǎdjǎ paḍă boeroe ka alas.
