27. Bhoemè ban boelan.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
attja băn Osman satarètan. Sattja asakola è sakola’an bhăkal ghoe-roe è Probolinggo. E nalèka prèi boelăn
Pasa na’-kana’ kaḍoewă djărèja njapot madjhăḍi’na, sè
ako-bengko è sèttong dhisa. E dhisa djărèja bănnja’ tjèlèngnga sè segghoet arorosak men-tamenan. Sattja,
Osman băn ma-djhăḍi’na èntara nèngghără tjèlèng.
Pokol lèma’ lem-malem paḍă mangkat; nalèka djarèja hăwăna ghi’ panas, anangèng antara saeddjhăm agghi arè ella tjompet, hăwăna molaè tjellep. Serrèna nalèka djarèja boelăn pornama, satjompetta arè alam molaè tèra’ dari pangombărră boelăn, sè akanta ghaḍḍhăng, è tèmor, tjahjăna konèng akanta emmas.
Orèng katello djărèja amboe ghălloe è bengkona kalè- boenna (patènggina) sèttong dhisa kènè’, sè èkolènglèngè kebbhoen tebbhoe. Sè amboe è djăḍijă kongsè bădjă tètèr, ijă djărèja băktona neng-sennengnga nèngghăr tjèlèng. Badjă pokol sapolo kalèboenna ata-bhănta băn tamojja è teppas aḍă'na tjè’ sennengnga. Nalèka djărèja boelănna ella ngongkolè ghoenong băn karang; tèra’na boelăn tar-kataran akanta bădjă sèjangnga. Kalowang paḍă bă’-kebbă’an ngabbher è băng-abăng èntara njarè pakan.
