28.
Monghoe kakanna orèng Djhăbă rèja sè lo-parloan ijă arèja padi. Molaè ghi' kona mola orèng Djhăbă tjè tarongghoena sè astijar mabǎnnja'a asèlla sabǎna sarana maghili aèng èangghoej norap sabă.
Aèngnga songaj rèja ta' malolo aghoena, sopadjă men-tamenan ta' kerrènga, tapè băḍă laèn polè ghoenana. Songaj rèja taḍǎ' pegghǎ'na maghili bǎlet sè atjampor băn aèng. Dhinèng bǎlet djărèja ghoenana dhǎddhi bhoetokka tana. Kalamon tadǎ' bǎlet djärèja, tanto bit-abit bhoetokka tana taḍǎ' èkakan men-tamenan. Serrèna orèng Djhăbă sè kabannja'an ghi' ta' ngartè abhoețok sabǎna, tanto ahèrra men-tamenanna ta' djhoerno.
Kalabǎn djhălăn sè tjè' ghămpangnga orèng Djhǎbǎ tao aghăbăj mèssrè (*) sè èangghoej norap sabă, ijă arèja abhendhoeng songaj; amarghǎ djarèja aèngnga songaj sembeng, kongsè kennèng èpaghili ka sabă noro' li-ghiliǎn (mèssrè).
Torkaḍhǎng ijă apèrokonan aghăbăj bhendhoeng radjǎ (dăm) kalabǎn èkapalaè pangradjǎna; sè èkaghăbăj bhendhoeng djǎrèja kadjoe dja-radjă èpamalang è songaj ngangghoej pantjong kadjoe kèja, pas ètembhoeghi băto ban tana.
- ) Mèssrè kadhi Madhoeră Bhǎsokè = soksok = lèkè sé aghili aghoena ka sabă.
