pardjǎjina aghǎbaj ḍăm sè abhaghoesăn ngangghoej akkal bănnèan polè.
Sè èbhendhoeng djărèja songaj Pakalèn. Sè èlakonè antarana taon 1880 ka taon 1890.
Aèngnga aghili è kanal radjă ḍări tèmor ḍǎ' bărǎ' alèbǎdhi 17 tjora ḍări lao' ḍă' ḍădjă, dhăddhi è attasanna tjora djǎrèja èpasangè talang dja-radjă. Bănnja'na leiḍeng-leideng ḍări kanal radjă ḍă' ḍădjă băḍă 13.
Ḍări tong-sèttongnga leiḍeng djǎrèja băḍă leiḍeng- leiḍengnga kènè' polè. Kalaban akkal djărèja aèngnga songaj Pakalèn tao napa' ka bă-sabă.
Sè èangghoej ongkossa pangghăbăján djǎrèja Kangdjeng Goepermèn makalowar pèssè bannja', nangèng ta' partjoma, sabǎb ollè ngaèngè sabă pan-bărǎmpan èboe bhǎoe.
Songaj Sampèjan è Sitoebǎndă ijă èbhendhoeng tjara djǎrèja kèja. Amarghă băḍăna ḍăm djǎrèja, koṭṭa Sitoebăndă salamet lopot è bandjir, sè ghi' lambă'na segghoet maso' ka ḍǎlem koṭṭa, aghăbăj sossana orèng bănnja'; salaènna djărèja tanana dhăddhi lanḍhoe, bănnja' asèlla, larang arghǎna.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
