nèmor ghi băḍă bhăi odjhăn, molana taḍă motossa pao ngembhăng, dhăddhi ola'na pao sè kasebbhoet ghellǎ' nemmo bhǎi kennengngan. E Djhăbă Tèmor endjă ta' ḍǎ'bărijă. Sakèng panassa è bǎkto nèmor, băḍă tèmpona bhoengkana pao ta' ngembhăng, dhǎddhi ola'na pao djărèja ta' nemmo kennengngan, sabab ta' oḍi' è laènna ka'-bhoengka'an, molana pas matè. Djǎrèja
kerana sè dhăddhi marghăna è ḍinna' taḍă' ola'na pao. Dhoelat sè ḍă-bărijă djărèja, ta' ijă? Djha' sakènga ola'na pao oḍi è ḍinna', tanto tada' kèja pao sè èsak akanța satèjanna."
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
,,Ponapa kerana haddjhi Ismail ghåpanèka bănnja' ontongngèpon sè adhaghang pao?"
,,Tantona bǎrijă; mon ta' bănnja'a ontongnga, tanto ta' èterrossaghi sè adhăghăng."
,,Manabi sapanèka'a, aponapa orèng sè laèn ma' ta' adhăghǎng pao djhoeghǎn?"
,,Kèra sèngko' amarghă ta' anḍi' bhandha èkaghăbăj ngongkosè mèjara bhoengkana pao bănnja' sarta abit kongsè napa'na ka băktona aboewă; mangka ongkossa mèjara molaè namen kongsè aboewă djărèja ta' sakone', tor ghi taḍă asèlla. Băn polè kapprana orèng Madhoerǎ rèja ta kentjeng adhăghăng. Sè barija djărèja èman ongghoe, sabab mon orèng endă' adhăghăng pao kalabǎn ongghoe atè, ijă bănnja' ontongnga."
È kala djǎrèja na'-kana' morèd pas apèkkèr: ,,Kalamon ḍă'bărija paghi', mon sèngko' la radjă, namena bhoengkana wa-boewa'ăn kèja kalabăn èbhândhăi sarta eomesse; terro adhǎghǎnga wă boewă ăn, sopadjă soghiă akanţa haddjhi Ismail."
