Tapè pas petteng tjalèmotan, ta' ètangalè kennengnganna.
Pa'na Djămédin ladjhoe ațarat: ,,Băndjir!" Sèngko' ngartè ka kareppa, pas ḍing-ngèḍingngaghi. Pó, ongghoeăn. Sowarana aèng èkaèḍing ngaroso. Sèngko' berka' kalowar, tapè ta' nangalè pa-apa, sabăb pettengnga alèmonan. Tjoma sowarana băndjir sè ngaroso atambă semma', talèbăt nako'è Sakeddjhă' agghi' aèng la napa' è pondhoek tjè' santă'na. ,,Kamma sè boeroeă ?" tja'na pèkkèr. Tapè la ngasèp. Bandjirră atambă radjă akanța ombă'na tasè' alabhǎs ponḍhoek. Sèngko' katot èghibă băndjir. Arassa
lang-taèlang, pas ta' ènga' è apa.
8. Terrosanna bhǎb bǎ'ǎ.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Bărămpa abiddhǎ sèngko' sè èlanjo' bă'ǎ sèngko' ta' tao. Nalèka sèngko' ènga', tao-tao la ètemmo aghentang è attas kasor è ḍǎlem kamar bhersè sarta bhaghoes. Sèngko' ta' sarmo bǎn rèng-orèng sè băḍǎ djăḍija, parsasat orèng amèmpè.
,,Neng è ḍimma sèngko' arèja?" tja'na è ḍălem atè. Sèngko' ta' ngennèng ngotja'. Sang-soko sè kangan èkarassa tjè' sakè'na. Pas băḍă orèng binè' towa njemma'è sèngko'. Bhareng nangalè sèngko' mella', ladjhoe èènomè sarta èdhoelang tadjhin. Aba' arassa kobasa. Sakeddjha' agghi' băḍă towan maso'
