pon ola' ghǎpanèka?" Ghoeroena njaot: ,,Ghǎlloe' ḍǎntè' saarè ḍoe arè agghi', bå'na bhǎkal taoa dhibi' ḍări dimma asalla, sèngko' ta' parlo nodhoeăghi otabă nerrangngaghi."
Ola sè neng è ghellas bhoeroe atamba arè a tambă radjă, landjhǎngnga ra-kèra kongsè 5 m.M. Ghellassa ladjhoe èsaba' polè bǎn ghoeroe è ḍǎlem lomarè, kodoengnga ghi èparapet bhǎi. Antara ḍoe arè agghi' ghellas èpakalowar pas băḍă rengngè'na pan-bărămpan mègghi' nalpè' è băbăna kodoeng. Rèd-morèd atamba hèran, ma' băḍă rengngè' è djăḍijă. Kodoengnga ghi' rapet tjara sè asal. Tapè ghoeroena neng-enneng bhăi, ta' abălă dări dimma asalla. Ghellas èpabăli ka lomarè polè.
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
Antara pan-bărămpan arè agghi' ghellǎs djărèja èsaba' è mèdjă. Ola'na la mosna, sèttong taḍǎ' karèna, tapè băḍă bhǎloengsonganna. Dhinèng sè băḍă è ḍǎlem ghellǎs rengngè pan-bărămpan mègghi' ngabbher è antarana aèng băn koḍoengnga ghellas. Rèd-morèd paḍă mandheng rengngè djǎrèja, katara paḍă mèkkèr. ,,Ah, satèja sèngko' ngartè asalla rengngè' djǎrèja."
Otja'na sèttong morèd sè ter-pènterran: ,,Abdhi dhǎlem onèng, ghoeroe, ḍări ka'ḍimma asallèpon rengngè' ghăpanèka."
,,Bhaghoes," sambhiddhă ghoeroena, mara tjarèta'aghi, sopadja kantjana, sè ghi' ta' ngartè, ma' ollè tao."
"Ola' entèng sè ḍhimèn ènggharowa onèng asanolotan dhǎddhi rengngè', katara è attas aèng ka'ḍinto băḍă bhǎ-loengsonganna, akadhi ola' bhoeloe onèng asanolotan dhǎddhi kakapper. Rengngè' panèka tanto onèng atellor è aèng, kadhi kakapper atellor è oen-dǎoenan." Ghoeroena ngalem ḍǎ' kapènterranna morèd sè tadjhem pèkkèrra djǎrèja.
